ଭଦ୍ରକ: ବାତ୍ୟା ଅସାନୀକୁ ନେଇ SRCଙ୍କ ନିର୍ଦ୍ଦେଶ ଅନୁଯାୟୀ ଭଦ୍ରକରେ ପହଞ୍ଚିଲେ ଗୋଟିଏ ODRAF ଟିମ । ଏହି ODRAF ଟିମରେ ୩୭ ଜଣ ସଦସ୍ୟ ଅଛନ୍ତି । ଏହି ଟିମ କଳିଙ୍ଗନଗର ବେଶ କ୍ୟାମ୍ପରୁ ଆସିଛନ୍ତି । ତାଙ୍କ ପାଖରେ ଅତ୍ୟାଧୁନିକ କଟର ମେସିନ, ଟାୱାର ଲାଇଟ ସହ ବିଭିନ୍ନ ପ୍ରକାର ସରଞ୍ଜାମ ରହିଛି ।
ସମ୍ଭାବ୍ୟ ବାତ୍ୟା ଆସାନୀ ପାଇଁ ଭଦ୍ରକରେ ପହଞ୍ଚିଲେ ୩୭ ସଦସ୍ୟ ବିଶିଷ୍ଟ ODRAF ଟିମ
ସେମାନେ ପୂର୍ବରୁ ରାଜ୍ୟରେ ଆସିଥିବା ବାତ୍ୟା ଫନି, ହୁଡୁହୁଡୁ, ଫାଇଲିନ, ଅମ୍ଫାନ ଓ ବୈତରଣୀ ନଦୀରେ ବନ୍ୟା ଭଳି ସବୁ ସମୟରେ ମୁକାବିଲା କରିଛନ୍ତି ଏହି ODRAF ଟିମ । ତେବେ ବାତ୍ୟା ଅସାନୀକୁ ନେଇ ପୁରା ପ୍ରସ୍ତୁତି ଅଛନ୍ତି ଏହି ODRAF ଟିମ । ଆଜି(ସୋମବାର) ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ରିପୋର୍ଟିଂ କରିଛନ୍ତି । ତେବେ ବାତ୍ୟା ଅସାନୀର ଗତିପଥକୁ ନେଇ ଏହି ଟିମକୁ ମୁତୟନ କରାଯିବା ନେଇ ସୂଚନା ମିଳିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
