ବରଗଡ଼: ପେଟ୍ରୋଲ, ଡିଜେଲ ଏବଂ ଗ୍ୟାସ ଦରବୃଦ୍ଧି ପ୍ରତିବାଦରେ ବରଗଡ଼ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେବା ସହ ବିକ୍ଷୋଭ ପ୍ରଦର୍ଶନ କଳା ବରଗଡ ବିଧାନସଭା କଂଗ୍ରେସ କମିଟି । ଦିନକୁ ଦିନ ତୈଳଦର ବୃଦ୍ଧି ସହ ବିଭିନ୍ନ ସାମଗ୍ରୀର ଅହେତୁକ ଦର ବୃଦ୍ଧି ଯୋଗୁଁ ଜନସାଧାରଣ ଉପରେ ପ୍ରଭାବ ପଡୁଛି । ଏହାକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରାଯାଉଛି ।
ତୈଳଦର ବୃଦ୍ଧି ପ୍ରତିବାଦରେ ବରଗଡ଼ ବ୍ଲକ ଅଫିସରେ ବିକ୍ଷୋଭ ପ୍ରଦର୍ଶନ
ବିକ୍ଷୋଭରେ କଂଗ୍ରେସ ନେତା ନିପନ ଦାଶଙ୍କ ନେତୃତ୍ବରେ ଛାତ୍ର ଯୁବ କଂଗ୍ରେସର ଶତାଧିକ କର୍ମୀ ସାମିଲ ଥିବା ଦେଖିବାକୁ ମିଳିଛି । ବରଗଡ଼ ଜିଲ୍ଲାରେ ପେଟ୍ରୋଲ ଦର ଲିଟର ପିଛା 100 ଟଙ୍କା ଉପରେ ରହି ଥିବାବେଳେ ରୋଷେଇ ଗ୍ୟାସ ସିଲିଣ୍ଡରର ପିଛା 900 ଟଙ୍କା ଦେବାକୁ ପଡ଼ୁଛି । ତେବେ ପେଟ୍ରୋଲ, ଡିଜେଲ ଏବଂ ଏଲପିଜି ଗ୍ୟାସ ସିଲିଣ୍ଡରର ଅହେତୁକ ଦର ବୃଦ୍ଧିର ପ୍ରତିବାଦରେ କଂଗ୍ରେସ ପକ୍ଷରୁ ଯୁବନେତା ନିପନ ଦାସଙ୍କ ଅଧ୍ୟକ୍ଷତାରେ ବ୍ଲକ କାର୍ଯ୍ୟାଳୟ ଠାରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
