ବରଗଡ: CAA ଓ NRC ବିରୋଧରେ ଶୋଭାଯାତ୍ରା । ଭାରତ ଏକ ଧର୍ମ ନିରପେକ୍ଷ ଦେଶ ହୋଇଥିବା ବେଳେ ବର୍ତ୍ତମାନ ସମୟରେ ଚାଲିଥିବା CAA ଓ NRC ଦେଶର ଭାଇଚାରା ଓ ଏକତାକୁ ଭାଙ୍ଗିବାକୁ ଷଡଯନ୍ତ୍ର କରୁଛି । ଯାହାକୁ ବିରୋଧ କରି ଶୁକ୍ରବାର ବରଗଡରେ ଏକ ଶୋଭାଯାତ୍ରା କରାଯାଇଛି |
CAA ଓ NRC ବିରୋଧରେ ଶୋଭାଯାତ୍ରା
ଜାତି, ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତେ ଏହି ଶୋଭାଯାତ୍ରାରେ ସାମିଲ ହୋଇ ତ୍ରିରଙ୍ଗା ନେଇ ସ୍ଥାନୀୟ ଅମ୍ବାପାଳିର ଆମ୍ବେଦକର ଛକ ଠାରୁ ଗାନ୍ଧୀ ଛକ ପର୍ଯ୍ୟନ୍ତ ଯାଇଥିଲେ | ରାଜନୀତି ପାଇଁ ଦେଶରେ ସାମ୍ପ୍ରଦାୟିକତାର ହିଂସା ବଢାଇବାର କୁଚକ୍ରାନ୍ତକୁ ବରଗଡ ସମ୍ବିଧାନ ସୁରକ୍ଷା ମଞ୍ଚ ତରଫରୁ ବିରୋଧ କରାଯାଇଛି ଏବଂ ବରଗଡର ହିନ୍ଦୁ , ମୁସଲିମ , ଶିଖ ଓ ଇସାଇ ସମସ୍ତ ଧର୍ମର ଲୋକେ ଏହି ପ୍ରତିବାଦ ଶୋଭାଯାତ୍ରାରେ ସାମିଲ ହୋଇ ନିଜର ବିରୋଧ ପ୍ରଦର୍ଶନ କରିଥିଲେ |
ବରଗଡରୁ ରାଜେଶ ସରାପ, ଇଟିଭି ଭାରତ
