ବଲାଙ୍ଗୀର: ପୁଣି ଭିଜିଲାନ୍ସ ହାତରେ ଧରା ପଡିଛନ୍ତି ସମବାୟ ବ୍ୟାଙ୍କ ଆକାଉଣ୍ଟ ମ୍ୟାନେଜର । ଆୟ ବହିର୍ଭୁତ୍ତ ସମ୍ପତ୍ତି ଠୁଳ ଅଭିଯୋଗରେ ତାଙ୍କ ବାସଭବନରେ ଚଢାଉ କରାଯାଇ ନଗଦ ଟଙ୍କା ସହ ସୁନା ଅଳଙ୍କାରକୁ ଜବତ କରାଯାଇଛି ।
ଆୟ ବହିର୍ଭୁତ୍ତ ସମ୍ପତ୍ତି ଠୁଳ ଅଭିଯୋଗରେ ବଲାଙ୍ଗୀର କେନ୍ଦ୍ର ସମବାୟ ବ୍ୟାଙ୍କର ଆକାଉଣ୍ଟ ମ୍ୟାନେଜର ସୁଧିର କୁମାର ନନ୍ଦଙ୍କ ଘରେ ଭିଜିଲାନ୍ସ ଚଢାଉ କରିଛି । ସମ୍ବଲପୁର ଭିଜିଲାନ୍ସ ଏସ.ପିଙ୍କ ନିର୍ଦ୍ଦେଶ ଅନୁସାରେ ମଙ୍ଗଳବାର ଭିଜିଲାନ୍ସ ବିଭାଗର ଚାରୋଟି ଟିମ୍ ତିନୋଟି ସ୍ଥାନରେ ଚଢାଉ ଏବେ ମଧ୍ୟ ଜାରି ରଖିଛନ୍ତି ।
ଭିଜିଲାନ୍ସ ଟିମ ବଲାଙ୍ଗୀର ସହର ଭିତରେ ଥିବା ବି.ଡି.ସି.ସି ବ୍ୟାଙ୍କ, ପ୍ୟାଲେସ ଲାଇନ, ରୁଗୁଡିପଡା ଅଞ୍ଚଳରେ ବଲାଙ୍ଗୀର, ବରଗଡ, ସମ୍ବଲପୁର ଓ ସୋନପୁର ଭିଜିଲାନ୍ସ ବିଭାଗର ଏହି 4ଟି ଟିମ ଏକକାଳୀନ ଚଢାଉ କରିଛନ୍ତି । ତେବେ ଚଢାଉ ସମୟରେ କିଛି ନଗଦ ଟଙ୍କା, ସୁନା ଅଳଙ୍କାର ମିଲିଥିବା ବେଳେ ଘରବାଡି ସମ୍ପତ୍ତିର ଆକଳନ ମଧ୍ୟ ଜାରି ରହିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
