ବଲାଙ୍ଗୀର: ଟ୍ରକ ଚଢି ଜଣଙ୍କର ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ବଲୀଙ୍ଗୀର ଖୋର୍ଦ୍ଧା ୫୭ ନମ୍ବର ରାଜପଥରେ । ତେବେ ମୃତ ବ୍ୟକ୍ତି ଜଣକ ହେଉଛନ୍ତି କୁରେଭନା ଗ୍ରାମର ନରହରି ପ୍ରଧାନ ବୋଲି ଜଣାପଡିଛି । ଏନେଇ କ୍ଷତିପୂରଣ ଦାବିରେ ୫୭ନମ୍ବର ଜାତୀୟ ରାଜପଥ ଅବରୋଧ ।
ସୂଚନା ଅନୁଯାୟୀ, ପଟୁ କାମ ସାରି ନରହରି ନିଜ ଘରକୁ ଫେରୁଥିଲେ । ସେହି ସମୟରେ ରଣ୍ଡା ଗ୍ରାମ ନିକଟରେ ଏକ ଟ୍ରାକ୍ଟର ଦ୍ରୁତ ଗତିରେ ଆସି ତାଙ୍କ ଉପରକୁ ମାଡି ଯାଇଥିଲା । ଏନେଇ ଘଟଣା ସ୍ଥଳରେ ହିଁ ବ୍ୟକ୍ତି ଜଣଙ୍କର ମୃତ୍ୟୁ ହୋଇଥିବା ନେଇ ଜଣାପଡିଛି । ସେପଟେ ଗ୍ରାମବାସୀ ଓ ସମ୍ପର୍କୀୟ କ୍ଷତିପୂରଣ ଦାବି କରି ଜାତୀୟ ରାଜପଥକୁ ଅବରୋଧ କରିଛନ୍ତି । ସେପଟେ ପୋଲିସ ପ୍ରଶାସନ ଆନ୍ଦୋଳନକାରୀଙ୍କ ସହ ଆଲୋଚନା ଜାରି ରଖିଥିବା ବେଳେ ଏଯାଏଁ ସମାଧାନର ବାଟ ବାହାରି ପାରିନାହିଁ । ତେବେ ଏହି ଅଞ୍ଚଳରେ ବାରମ୍ବାର ଦୁର୍ଘଟଣା ଘଟି ମୂଲ୍ୟବାନ ଜୀବନ ହାନି ଘଟୁଛି । ତେଣୁ ପ୍ରଶାସନ ଏହି ଅଞ୍ଚଳରେ ଆଲୋକୀକରଣ ସହ ସ୍ପୀଡ଼ ବ୍ରେକର ଲଗାଇବାକୁ ମଧ୍ୟ ଏମାନେ ଦାବି କରିଛନ୍ତି ।
ଏନେଇ ମୃତକଙ୍କ ସମ୍ପର୍କୀୟ ଦେବେନ୍ଦ୍ର ପ୍ରଧାନ କହିଛନ୍ତି, ସଂନ୍ଧ୍ୟା ସମୟରେ କାମ ସାରି ଘରକୁ ଫେରୁଥିବା ସମୟରେ ଟ୍ରକ ପଛରୁ ଆସି ଚଢିଗଲା ଫଳରେ ତାଙ୍କର ମୃତ୍ୟୁ ଘଟିଛି । ଏନେଇ ଆମେ କ୍ଷତିପୂରଣ ଚାହୁଁଛୁ । ତେବେ ଏନେଇ ଆମକୁ କ୍ଷତିପୂରଣ ନ ମିଳିଲା ଯାଏଁ ରାସ୍ତା ଅବରୋଧ କରିବୁ ।
ଇଟିଭି ଭରତ, ବଲାଙ୍ଗୀର
