ବଲାଙ୍ଗୀର/ରାଉରକେଲା : ପୃଥକ ପୃଥକ ସ୍ଥାନରେ ବଜ୍ରାଘାତରେ ଦୁଇ ଜଣଙ୍କ ମୃତ୍ୟୁ ଘଟିଛି । ବଲାଙ୍ଗୀରରେ ସହରରେ ବଜ୍ରାଘାତରେ ଜଣେ ଯୁବକର ମୃତ ହୋଇଛି ଓ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି । ସେହିଭଳି ରାଉରକେଲାର ବିଶ୍ରା ଥାନା ଅଞ୍ଚଳରେ ନବମ ଶ୍ରେଣୀ ଛାତ୍ରର ବଜ୍ରାଘାତରେ ମୃତ୍ୟୁ ଘଟିଛି । ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି ।
ବର୍ଷା ଯୋଗୁଁ ବଲାଙ୍ଗୀର ସହର ମାଳପୋଡା ମଦନ ଗୁଡିଆ ବଗିଚା ନିକଟରେ ତିନିଜଣ ଯୁବକ ଗଛ ତଳେ ଅଶ୍ରୟ ନେଇଥିଲେ । ହଠାତ ବଜ୍ରାଘାତ ହେବାରୁ ମାଲପୋଡାର ୧୯ ବର୍ଷୀୟ ଶିବାଶିଷ ଦାସ ଓରଫ ବିଟୁନର ଘଟଣା ସ୍ଥଳରେ ମୃତ୍ୟୁ ଘଟିଛି । ଅନ୍ୟ ଦୁଇଜଣ ଯୁବକ ଅଲି ଖାନ ଏବଂ ସମ୍ବିତ ଡାଙ୍ଗ ଗୁରୁତର ହୋଇଛନ୍ତି । ଗୁରୁତର ମାନଙ୍କୁ ବଲାଙ୍ଗୀର ଭୀମଭୋଇ ମେଡିକାଲ କଲେଜରେ ଭର୍ତ୍ତି କରାଯାଇଛି ।
ସେହିଭଳି ରାଉରକେଲା ବିଶ୍ରା ଥାନାର ମସାରିକୁଦର ଗାଁ ରେ ବଜ୍ରାଘାତ ଯୋଗୁଁ ଜଣେ ମୃତ୍ୟୁ ବରଣ କରିଥିବା ବେଳେ ଦୁଇ ଜଣ ଆହତ ହୋଇଛନ୍ତି । ଜଣେ ନବମ ଶ୍ରେଣୀ ଛାତ୍ର ବିଶ୍ବନାଥ ମୁଣ୍ଡା(14) ମୃତ୍ୟୁ ହୋଇଛି । ଅଷ୍ଟମ ଶ୍ରେଣୀ ଛାତ୍ର ଜୁଆନ ମୁଣ୍ଡା ଓ ଅଜିତ ମୁଣ୍ଡା ଦୁଇ ଜଣ ଆହତ ହୋଇଛନ୍ତି । ସନ୍ଧ୍ୟାରେ ଗାଈ ଚରାଇବା ପାଇଁ ଯାଇଥିବା ସମୟରେ ବଜ୍ରାଘାତ ହୋଇଥିଲା । ଆହତଙ୍କୁ ବିଶ୍ରା ହସ୍ପିଟାଲରେ ଭର୍ତ୍ତି କରାଯାଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ ଓ ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
