ଅନୁଗୋଳ: ଗାଁ ଗାଁ ବୁଲି ସଚେତନ କଲେ ବନ ସୁରକ୍ଷା ସମିତି । ଜଙ୍ଗଲ ଅଧିବାସୀଙ୍କୁ କୋରୋନା ସଂକ୍ରମଣ ରୋକିବାରେ ଚିନ୍ତା ପ୍ରକାଶ କଲେ ବନ ସୁରକ୍ଷା ସମିତି । ସହରାଞ୍ଚଳରେ କୋରୋନାକୁ ନେଇ ସମସ୍ତେ ଅବଗତ ଅଛନ୍ତି । ହେଲେ ଗାଁ ଗହଳି ଏବଂ ଜଙ୍ଗଲ ନିକଟରେ ଥିବା ଛୋଟ ବଡ଼ ଗାଁ ଲୋକେ ଏହି କୋରୋନା ସମ୍ପର୍କରେ ଅବଗତ ନାହାଁନ୍ତି । ଏହାକୁ ଦୃଷ୍ଟିରେ ରଖି କୋରୋନା ସଂକ୍ରମଣରୁ ରକ୍ଷା ପାଇବାକୁ ସଚେତନ କରାଇଲେ ଜିଲ୍ଲାର ବିଭିନ୍ନ ବନ ସୁରକ୍ଷା ସମିତି ।
ଜଙ୍ଗଲ ଅଧ୍ୟୁଷିତ ଗାଁ ଗୁଡିକରେ ଲୋକେ କିଭଳି ସାମାଜିକ ଦୂରତା ବଜାୟ ରଖିବେ, ନିୟମିତ ସଠିକ ଭାବରେ ହାତ ଧୋଇବେ ଏବଂ ସରକାରୀ କଟକଣାକୁ ମାନିବେ ସେଥିପାଇଁ ଲୋକଙ୍କୁ ସଚେତନ କରାଇଥିଲେ । ବନ ସୁରକ୍ଷା ସମିତିର କର୍ମକର୍ତ୍ତା ଗାଁ ଗାଁ ବୁଲି ଏଭଳି କାର୍ଯ୍ୟକ୍ରମ କରି ଚାଲିଛନ୍ତି । ଆଗକୁ ମଧ୍ୟ ଚାଲୁ ରଖିବାକୁ ନିଷ୍ପତ୍ତି ନେଇଛନ୍ତି । ଏହାଦ୍ବାରା ଦୁର୍ଗମ ଅଞ୍ଚଳରେ ଲୋକେ ସଚେତନ ହୋଇ ପାରିବେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ