ଅନୁଗୋଳ: ରାମକୃଷ୍ଣ ବିବେକାନନ୍ଦ ଭାବ ପ୍ରଚାର ପରିଷଦର ୨୮ ତମ ରାଜ୍ୟ ସମ୍ମିଳନୀ ଅନୁଗୋଳରେ ଅନୁଷ୍ଠିତ ହୋଇଯାଇଛି । ଏଥିରେ ବହୁ ସାଧୁସନ୍ଥ ଓ ଅନୁଗାମୀ ଯୋଗ ଦେଇଛନ୍ତି । ଅନୁଗୋଳ ରାମକୃଷ୍ଣ ସଂଘ ପକ୍ଷରୁ ଏହି ସମ୍ମିଳନୀ ଆୟୋଜନ କରାଯାଇଥିଲା ।
ଭିଡିଓ ସୌଜନ୍ୟ : ସମ୍ବାଦଦାତା, ଅନୁଗୋଳ
ଅନୁଗୋଳରେ ରାମକୃଷ୍ଣ ବିବେକାନନ୍ଦ ଭାବ ପ୍ରଚାର ପରିଷଦର ରାଜ୍ୟ ସମ୍ମିଳନୀ ସହରର ଦଶହରା ପଡ଼ିଆରେ ଆୟୋଜିତ ହୋଇଯାଇଛି । ଦୁଇ ଦିନିଆ ସମ୍ମିଳନୀରେ ବିଧାନସଭା ଉପବାଚସ୍ପତି ରଜନୀ କାନ୍ତ ସିଂ ମୁଖ୍ୟ ଅତିଥିଭାବେ ଯୋଗ ଦେଇଥିଲେ । ଏହି ସମ୍ମିଳନୀରେ ପରିଷଦର ବହୁ ସାଧୁସନ୍ଥ ସାମିଲ ହୋଇଥିଲେ । ରାମକୃଷ୍ଣ ପରମ ହଂସଙ୍କ ଚିନ୍ତା ଚେତନା ସମ୍ପର୍କରେ ଆଲୋଚନା କରାଯାଇଥିଲା । ଆଧ୍ୟାତ୍ମିକ ଚେତନା ବିନା ସମାଜର ଉନ୍ନତି ଅସମ୍ଭବ ଏବଂ ସମାଜ ଗଠନରେ ଆଧ୍ୟାତ୍ମିକତାର ଆବଶ୍ୟକତା ରହିଛି । ମନୁଷ୍ୟ ମନରେ ଚେତନାର ଜାଗ୍ରତ ପାଇଁ ଈଶ୍ବର ଆରାଧନା ଏକ ମାଧ୍ୟମ ବୋଲି ସଭାରେ ଯୋଗଦେଇ ସାଧୁମାନେ ନିଜ ନିଜ ମତ ଦେଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
