ବୌଦ୍ଧ/ଅନୁଗୁଳ: ସହରଠୁ ଆରମ୍ଭ କରି ପୁରପଲ୍ଲୀ ପର୍ଯ୍ୟନ୍ତ ଆଜି ପବିତ୍ର ଗଜଲକ୍ଷ୍ମୀ ପୂଜା ଅତ୍ୟନ୍ତ ଆନନ୍ଦ ଉଲ୍ଲାସର ସହିତ ପାଳନ ହୋଇଛି । ବିଭିନ୍ନ ପୂଜା ମଣ୍ଡପରେ ମା’ ଲକ୍ଷ୍ମୀଙ୍କ ପୂଜା ପାଉଛନ୍ତି ।
ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ମା’ ଲକ୍ଷ୍ମୀଙ୍କ ଏହି ଦିବସକୁ ବିଭିନ୍ନ ପୂଜା ଅନୁଷ୍ଠାନ ପକ୍ଷରୁ ପାଳନ କରାଯାଇଛି । ଆଜି ମଧ୍ୟ କୁମାର ପୂର୍ଣ୍ଣିମା ପାଳନ ହୋଇଯାଇଛି । ବୌଦ୍ଧ ସହରର ଲକ୍ଷ୍ମୀ ବଜାର, ବୁଟୁପାଲି, ବାମଣ୍ଡା ଭଳି କଣ୍ଟାମାଳ ଓ ହରଭଙ୍ଗା ବ୍ଲକର ବିଭିନ୍ନ ସ୍ଥାନରେ ମା’ ଲକ୍ଷ୍ମୀଙ୍କୁ ଆବାହନ କରି ପୂଜାର୍ଚ୍ଚନା କରାଯାଇଛି । ବୁଟୁପାଲି ଠାରେ ଅନୁଷ୍ଠିତ ଗଜଲକ୍ଷ୍ମୀ ପୂଜାର ମୁଖ୍ୟ ଆକର୍ଷଣ ଦଶ ହଜାର ଆଠ ଦୀପ ଯଜ୍ଞ ଭକ୍ତ ଓ ଶ୍ରଦ୍ଧାଳୁଙ୍କ ଅନ୍ୟତମ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ।
ସେହିଭଳି ଅନୁଗୁଳ ଜିଲ୍ଲାର ମଧ୍ୟ ବିଭିନ୍ନ ସ୍ଥାନରେ ମା’ ଗଜ ଲକ୍ଷ୍ମୀଙ୍କ ପୂଜା ବିଭିନ୍ନ ଅନୁଷ୍ଠାନ ପକ୍ଷରୁ ଆୟୋଜନ କରାଯାଇଛି । କୁମାର ପୂର୍ଣ୍ଣିମା ଅବସରରେ ଅନୁଗୁଳ ସହରରେ ମା ଲକ୍ଷ୍ମୀଙ୍କ ପୂଜା ସବୁଆଡେ ଉତ୍ସାହର ମାହୋଲ ଦେଖିବାକୁ ମିଳିଥାଏ ।
ବୌଦ୍ଧରୁ ସତ୍ୟନାରାୟଣ ପାଣି ଓ ଅନୁଗୁଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
