ଅନୁଗୋଳ: ବିପଦରେ ଗଜରାଜ । ବିଜୁଳି ଫାଶରେ ପଡି ଗଲା ଦନ୍ତାର ଜୀବନ । ଅନୁଗୋଳ ଜିଲ୍ଲାର ସାତକୋଶିଆ ଅଭୟାରଣ୍ୟ ପାର୍ଶ୍ଵକୁ ଲାଗି ଜଗନ୍ନାଥପୁର ଗାଁ ନିକଟରେ ଏକ ଦନ୍ତା ମୃତ୍ୟୁ ହୋଇଛି । ବନ ବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ ହୋଇଛି । ସୂଚନା ଅନୁସାରେ, ଅନୁଗୋଳ ଜିଲ୍ଲାର ସାତକୋଶିଆ ଅଭୟାରଣ୍ୟ ପାର୍ଶ୍ଵକୁ ଲାଗି ରହିଛି ଜଗନ୍ନାଥପୁର ଗାଁ ।
ଗାଁ ନିକଟରେ ଏକ ଆମ୍ବ ତୋଟାରେ ଏକ ଦନ୍ତା ଦୀର୍ଘଦିନ ହେବ ଘୁରି ବୁଲୁଥିଲା । ହେଲେ ସେଠାରେ ଲଗାଇଥିବା ଏକ ବିଜୁଳି ଫାଶରେ ଫଶି ଯାଇଥିଲା ଦନ୍ତା । ଫଳରେ ବିଦ୍ୟୁତ ତାର ଯୋଗୁଁ ହାତୀଟିର ମୃତ୍ୟୁ ହୋଇଥିଲା । ଏନେଇ ସ୍ଥାନୀୟ ଲୋକେ ହାତୀମୃତ୍ୟୁର ଖବର ବନ ବଭାଗକୁ ଦେଇଥିଲେ ।
ଏହାବି ପଢନ୍ତୁ: ଅସୁରକ୍ଷିତ ଗଜରାଜ, ଗୁଳି ଖାଇ ଜଙ୍ଗଲରେ ବୁଲୁଛି ଦନ୍ତା
ଗାଁ ଲୋକଙ୍କଠାରୁ ଖବର ପାଇବା ପରେ ଘଟଣାସ୍ଥଳରେ ବନ କର୍ମଚାରୀ ପହଞ୍ଚିଥିଲେ । ମୃତ ଦନ୍ତାକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଯାଇଥିବା ଜଣାପଡିଛି । ତେବେ, ମୃତ ଦନ୍ତାର ବୟସ ପ୍ରାୟ ୧୫ ବର୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି । ତେବେ ଦନ୍ତା ଶିକାର ପାଇଁ ବିଜୁଳି ଫାଶ ଲଗାଯାଇଥିଲା ନା ଅନ୍ୟ ଜନ୍ତୁକୁ ଶିକାର ପାଇଁ ତାର ବିଛା ଯାଇଥିଲା । ସେ ନେଇ ଅଧିକ ତଦନ୍ତ ଆରମ୍ଭ କରିଛି ବନ ବିଭାଗ ।
ଇଟିଭି ଭାରତ, ଅନୁଗୋଳ
