ଅନୁଗୋଳ: ଜେଲ୍ ଗଲେ କୋଟିପତି ଜେଇ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଅନୁଗୋଳ ଜିଲ୍ଲା ତାଳଚେର ବ୍ଲକ କନିଷ୍ଠ ଯନ୍ତ୍ରୀକୁ ଗିରଫ କରି କୋର୍ଟ ଚାଲାଣ କରିଛି ଭିଜିଲାନ୍ସ । ରୋଜଗାରର ୬୭୯ ପ୍ରତିଶତ ଅଧିକ ଆୟ ବହିର୍ଭୁତ ସମ୍ପତ୍ତି ତାଙ୍କ ନିକଟରେ ଠାବ କରାଯାଇଛି ।
ଏହାମଧ୍ୟ ପଢନ୍ତୁ: ୪୦ ବର୍ଷ ଧରି ତୁଟୁନି ସମଲ ବ୍ୟାରେଜ ବାସହୀନଙ୍କ ସମସ୍ୟା, ଭୋଟ ବର୍ଜନ ପାଇଁ ନିଷ୍ପତ୍ତି
ତଦନ୍ତରୁ ଆୟ ବହିର୍ଭୁତ ସମ୍ପତ୍ତି ଜଣାପଡିବା ପରେ ଜେଇ ବିରଞ୍ଚି ନାରାୟଣ ସାହୁଙ୍କୁ ଗିରଫ କରି କୋର୍ଟ ଚାଲାଣ କରିଛି ଭିଜିଲାନ୍ସ । ଗତକାଲି ଭିଜିଲାନ୍ସର ଏକ ୪ଜଣିଆ ଟିମ ବିରଞ୍ଚିଙ୍କ କୁମଣ୍ଡ ଓ ଆମ୍ବପାଳରେ ଥିବା ଘର ସମେତ ଅଫିସ ଓ ମେରାମୁଣ୍ଡୁଳି ଶଶୁର ଘରେ ଚଢ଼ାଉ କରିଥିଲେ । ଦୁଇ ଦିନ କାଳ ଚଢ଼ାଉ ପରେ ବିରଞ୍ଚିଙ୍କ ନିକଟରେ 2 କୋଟି 10 ଲକ୍ଷ ଟଙ୍କାର ଆୟ ବହିର୍ଭୁତ ସମ୍ପତ୍ତି ଥିବା ଜଣା ପଡିଥିଲା । ସେଥିମଧ୍ୟରୁ ୧ କୋଟି 40 ଲକ୍ଷର ଫିକ୍ସ ଡିପୋଜିଟ ଥିବା ଜଣାପଡିଛି । ଏହା ବ୍ୟତୀତ ଏକାଧିକ ସ୍ଥାନରେ ଘର ଗାଡି ଓ ସୁନା ଗହଣା ଥିବା ମଧ୍ୟ ଭିଜିଲାନ୍ସ ଜାଣିବାକୁ ପାଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
