ଟୋକିଓ: ଚଳିତ ଟୋକିଓ ପାରାଲମ୍ପିକ୍ରେ ଭାରତର ଦମଦାର ପ୍ରଦର୍ଶନ ଜାରି । ଶନିବାର ପଦକ ବର୍ଷା କରିଛନ୍ତି ଭାରତୀୟ ପାରା ଆଥଲେଟ୍ । ସୁଟିଂ ପରେ ବ୍ୟାଡମିଣ୍ଟନ ଖେଳାଳିଙ୍କ କମାଲ । ପ୍ରମୋଦ ଭଗତ SL3 ବର୍ଗରେ ସ୍ବର୍ଣ୍ଣ ପଦକ ଜିତିବା ପରେ ମନୋଜ ସରକାର କାଂସ୍ୟ ପଦକ ହାତେଇଛନ୍ତି ।
କାଂସ୍ୟ ପଦକ ମ୍ୟାଚ୍ରେ ମନୋଜ, 22-20, 21-13 ସେଟ୍ରେ ଜାପାନିଜ ଖେଳାଳିଙ୍କୁ ଏକତରଫା ହରାଇ ଐତିହାସିକ ସଫଳତା ହାସଲ କରିଛନ୍ତି ।
ଫଳରେ ଭାରତର ପଦକ ସଂଖ୍ୟା ୧୭କୁ ବୃଦ୍ଧି ପାଇଛି । ପୂର୍ବରୁ ସୁଟିଂ P4 ମିଶ୍ରିତ ୫୦ ମିଟର ପିସ୍ତଲ SH1 ଇଭେଣ୍ଟରେ ମନୀଷ ନରୱାଲ ସ୍ବର୍ଣ୍ଣ ଓ ସିଙ୍ଘରାଜ ଅଦାନା ରୌପ୍ୟ ପଦକ ବିଜେତା ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
