ନ୍ୟୁୟର୍କ: କାନାଡାର ଯୁବ ମହିଳା ଟେନିସ ଖେଳାଳି ଲେଲା ଫର୍ଣ୍ଣାଣ୍ଡିଜ୍ ନିଜର ବିଜୟୀ ପ୍ରଦର୍ଶନ ଜାରି ରଖିବା ସହ ୟୁଏସ ଓପନ ଟେନିସ ଟୁର୍ଣ୍ଣାମେଣ୍ଟର ଫାଇନାଲରେ ପ୍ରବେଶ କରିଛନ୍ତି । ସେମିଫାଇନାଲରେ ଆରୟନା ସବାଲେଙ୍କାଙ୍କୁ ଏକ ରୋମାଞ୍ଚକର ମୁକାବିଲାରେ ୭-୬(୩), ୪-୬ ଓ ୬-୪ରେ ହରାଇଛନ୍ତି । ଏଥିସହ ପ୍ରଥମ ଥରପାଇଁ ଗ୍ରାଣ୍ଡସ୍ଲାମ ଟୁର୍ଣ୍ଣାମେଣ୍ଟର ଫାଇନାଲରେ ପ୍ରବେଶ କରିଛନ୍ତି ।
-
(Teenage) dream final. pic.twitter.com/iKZkHuLAne
— US Open Tennis (@usopen) September 10, 2021 " class="align-text-top noRightClick twitterSection" data="
">(Teenage) dream final. pic.twitter.com/iKZkHuLAne
— US Open Tennis (@usopen) September 10, 2021(Teenage) dream final. pic.twitter.com/iKZkHuLAne
— US Open Tennis (@usopen) September 10, 2021
ଫାଇନାଲରେ ଲେଲାଙ୍କ ମୁକାବିଲା ୧୮ ବର୍ଷୀୟା ଏମ୍ମା ରାଦୁକାନୁଙ୍କ ସହ ହେବ । ସେ ସେମିରେ ମାରିଆ ସକାରିଙକୁ ୬-୧ ୬-୪ ସେଟ୍ରେ ପରାସ୍ତ କରି ଫାଇନାଲ ଟିକେଟ ହାତେଇଛନ୍ତି । ରାଦୁକାନୁ ମଧ୍ୟ ପ୍ରଥମ ଥର ପାଇଁ କୌଣସି ଗ୍ରାଣ୍ଡସ୍ଲାମ ଫାଇନାଲରେ ପହଞ୍ଚିଛନ୍ତି ।
ଲେଲା ଆରମ୍ଭରୁ ୩ଟି ଗେମ ହରାଇଥିଲେ, ମାତ୍ର ଦମଦାର କମବ୍ୟାକ ସହ ଟାଇବ୍ରେକରରେ ପ୍ରଥମ ସେଟ୍ରେ ବିଜୟୀ ହୋଇଥିଲେ । ତେବେ ସବାଲେଙ୍କା ଦ୍ବିତୀୟ ସେଟ୍କୁ ଜିତି ମ୍ୟାଚରେ ରୋମାଞ୍ଚ ଭରିଦେଇଥିଲେ । ମାତ୍ର ଲେଲାଙ୍କ ଉପରେ ଏହାର ପ୍ରଭାବ ପଡିନଥିଲା । ତୃତୀୟ ସେଟ୍କୁ ୬-୪ରେ ସହଜରେ ଜିତିନେଇ ଫାଇନାଲ ସ୍ଥାନ ପକ୍କା କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
