କ୍ବେବେରା: ଦ୍ବିତୀୟ ଦିନିକିଆରେ ଫେଲ୍ ମାରିଲେ ଅଧିକାଂଶ ଭାରତୀୟ ବ୍ୟାଟର । ନବାଗତ ସାଇ ସୁଦର୍ଶନ ଓ ଅଧିନାୟକ କେଏଲ୍ ରାହୁଲଙ୍କ ଅର୍ଦ୍ଧଶତକୀୟ ପାଳି ବଳରେ ଭାରତ ୪୬.୨ ଓଭରରେ ୨୧୧ ରନ କରି ସମସ୍ତ ୱିକେଟ୍ ହରାଇଛି । ସୁଦର୍ଶନ ଓ ରାହୁଲଙ୍କ ବ୍ୟତୀତ କୌଣସି ଭାରତୀୟ ବ୍ୟାଟର ୨୦ ରନ ମଧ୍ୟ କରିବାକୁ ସକ୍ଷମ ହୋଇନଥିଲେ । ଡେବ୍ୟୁଟାଣ୍ଟ ରିଙ୍କୁ ସିଂହ କେବଳ ୧୭ ରନ୍ ହିଁ କରିପାରିଥିଲେ । ତେବେ ସିରିଜ୍ ବଞ୍ଚାଇବାକୁ ହେଲେ ଦକ୍ଷିଣ ଆଫ୍ରିକା ଆଗରେ ୨୧୨ ରନର ବିଜୟ ଲକ୍ଷ୍ୟ ରହିଛି ।
-
Innings Break!#TeamIndia are all out for 211 runs in 46.2 overs.
— BCCI (@BCCI) December 19, 2023 " class="align-text-top noRightClick twitterSection" data="
Sai Sudharsan top scored with the bat with 62 runs.
Scorecard - https://t.co/p5r3iTdngR #SAvIND pic.twitter.com/0qQgPgnhgT
">Innings Break!#TeamIndia are all out for 211 runs in 46.2 overs.
— BCCI (@BCCI) December 19, 2023
Sai Sudharsan top scored with the bat with 62 runs.
Scorecard - https://t.co/p5r3iTdngR #SAvIND pic.twitter.com/0qQgPgnhgTInnings Break!#TeamIndia are all out for 211 runs in 46.2 overs.
— BCCI (@BCCI) December 19, 2023
Sai Sudharsan top scored with the bat with 62 runs.
Scorecard - https://t.co/p5r3iTdngR #SAvIND pic.twitter.com/0qQgPgnhgT
ଭାରତ ବ୍ୟାଟିଂ: ଆଜିର ମ୍ୟାଚ୍ରେ ଟସ୍ ଜିତି ପ୍ରଥମେ ଭାରତକୁ ବ୍ୟାଟିଂ ଆହ୍ବାନ ଦେଇଥିଲେ ଦକ୍ଷିଣ ଆଫ୍ରିକା ଅଧିନାୟକ ଆଡେନ୍ ମାରକ୍ରମ । ହେଲେ ପୂର୍ବ ମ୍ୟାଚ୍ ପରି ଆଜି ମଧ୍ୟ ବଡ଼ ଇନିଂସ୍ ଖେଳିବାରେ ବିପଳ ହୋଇଥିଲେ ଯୁବ ଓପନର ଋତୁରାଜ ଗାଏକ୍ୱାଡ୍ । ସେ କେବଳ ୪ ରନ କରି ଆଉଟ୍ ହୋଇଥିଲେ । ତୀଲକ ବର୍ମା ମଧ୍ୟ କେବଳ ୧୦ ରନ ହିଁ କରିପାରିଥିଲେ । ତେବେ ଗତ ମ୍ୟାଚ୍ରେ ଡେବ୍ୟୁ କରି ପ୍ରଥମ ଇନିଂସ୍ରେ ହିଁ ହିରୋ ସାଜିଥିବା ସାଇ ସୁଦର୍ଶନ ଆଜି ମଧ୍ୟ ବେଶ ଗୁରୁତ୍ବପୂର୍ଣ୍ଣ ପାଳି ଖେଳିଛନ୍ତି । ସେ ୮୩ ବଲରୁ ୭ ଚୌକା ଓ ଗୋଟିଏ ଛକା ବଳରେ ୬୨ ରନର ଧୈର୍ଯ୍ୟପୂର୍ଣ୍ଣ ପାଳି ଖେଳିଥିଲେ । ଅଧିନାୟକ କେଏଲ୍ ରାହୁଲ ମଧ୍ୟ ୭ ଚୌକା ବଳରେ ୫୬ ରନର ଅଧିନାୟକ ପାଳି ଖେଳିଥିଲେ । ସଞ୍ଜୁ ସାମ୍ସନ କେବଳ ୧୨ ରନ କରି ଆଉଟ୍ ହେବାପରେ ଆଜି ଡେବ୍ୟୁ କରିଥିବା ରିଙ୍କୁ ସିଂହ ୧୪ ବଲରୁ ୧୭ ରନର ପାଳି ଖେଳି ଆଉଟ୍ ହୋଇଥିଲେ । ଶେଷକୁ ୧୮ ରନର ବେଶ ଉପଯୋଗୀ ବ୍ୟାଟିଂ କରିଥିଲେ ଅର୍ଶଦୀପ ସିଂହ । ଅନ୍ୟ କୌଣସି ବ୍ୟାଟର ଦୁଇ ଅଙ୍କ ବିଶିଷ୍ଟ ସ୍କୋର କରିବାରେ ମଧ୍ୟ ସକ୍ଷମ ହୋଇନଥିଲେ । ଫଳରେ ୪୬.୨ ଓଭରରେ କେବଳ ୨୧୧ ରନରେ ସମସ୍ତ ୱିକେଟ୍ ହରାଇଥିଲା ଟିମ୍ ଇଣ୍ଡିଆ ।
ଦକ୍ଷିଣ ଆଫ୍ରିକା ବୋଲିଂ: ଦକ୍ଷିଣ ଆଫ୍ରିକା ପକ୍ଷରୁ ନନ୍ଦ୍ରେ ବର୍ଗେର୍ ସର୍ବାଧିକ ୩ଟି ସଫଳତା ଅକ୍ତିଆର କରିଥିଲେ । ବ୍ୟୁରନ ହେଣ୍ଡ୍ରିକ୍ସ ଓ କେଶବ ମହାରାଜ ୨ଟି ଲେଖାଏଁ ୱିକେଟ୍ ଅକ୍ତିଆର କରି ଘରୋଇ ଦଳକୁ ମଜବୁତ ସ୍ଥିତିରେ ରଖିବାରେ ସହାୟକ ହୋଇଥିଲେ । ଲିଜାର୍ଡ ୱିଲିୟମ୍ସ ଓ ଅଧିନାୟକ ଆଡେନ୍ ମାରକ୍ରମ ଗୋଟିଏ ଲେଖାଏଁ ୱିକେଟ୍ ହାସଲ କରିଥିଲେ । ତେବେ ୩ ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ମ୍ୟାଚ୍ ଭାରତ ଜିତିଥିବା ବେଳେ ସିରିଜ୍ ବଞ୍ଚାଇବାକୁ ଦକ୍ଷିଣ ଆଫ୍ରିକାକୁ ୨୧୨ ରନ୍ ଆବଶ୍ୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
