ସିଡନୀ: ଚଳିତ ଟି୨୦ ବିଶ୍ବକପରେ ପାକିସ୍ତାନ ନିଜର ଚତୁର୍ଥ ଗ୍ରୁପ ପର୍ଯ୍ୟାୟ ମ୍ୟାଚ୍ରେ ଦକ୍ଷିଣ ଆଫ୍ରିକାକୁ ୩୩ ରନ୍ରେ ମାତ୍ ଦେଇଛି । ଫଳରେ ସେମି ଫାଇନାଲ ଖେଳିବା ଆଶା ଉଜ୍ଜିବୀତ ରଖିଛି ମେନ୍ ଇନ ଗ୍ରୀନ । ବର୍ଷାବାଧାପ୍ରାପ୍ତ ମ୍ୟାଚ୍ରେ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ପାକିସ୍ତାନ । ପାଳି ଆରମ୍ଭରୁ ପାକିସ୍ତାନ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା । ପ୍ରଥମ ଓଭରରେ ହିଁ ଓପନର ମହମ୍ମଦ ରିଜୱାନ୍ ମାତ୍ର ୪ ରନ୍ କରି ପାଭିଲିୟନ ଫେରିଥିଲେ ।
-
Pakistan keep semi-final hopes alive, clinching a win in the Group 2 clash against South Africa 🌟#T20WorldCup | #PAKvSA | 📝: https://t.co/3VVq7VAJLt pic.twitter.com/hfsNzCivam
— ICC (@ICC) November 3, 2022 " class="align-text-top noRightClick twitterSection" data="
">Pakistan keep semi-final hopes alive, clinching a win in the Group 2 clash against South Africa 🌟#T20WorldCup | #PAKvSA | 📝: https://t.co/3VVq7VAJLt pic.twitter.com/hfsNzCivam
— ICC (@ICC) November 3, 2022Pakistan keep semi-final hopes alive, clinching a win in the Group 2 clash against South Africa 🌟#T20WorldCup | #PAKvSA | 📝: https://t.co/3VVq7VAJLt pic.twitter.com/hfsNzCivam
— ICC (@ICC) November 3, 2022
ଏହାପରେ ମହମ୍ମଦ ହାରିସ ଓ ଅଧିନାୟକ ବାବର ଆଜମ ପାଳି ସମ୍ଭାଳିଥିଲେ । ତେବେ ପ୍ରାରମ୍ଭରୁ ଦକ୍ଷିଣ ଆଫ୍ରିକା ବୋଲର ଶୃଙ୍ଖଳିତ ବୋଲିଂ କରିଥିଲେ । ଯାହାଫଳରେ ପାକିସ୍ତାନର ଟପ୍ ଅର୍ଡର ବ୍ୟାଟର ଧରାଶାୟୀ ହୋଇଥିଲେ । ମାତ୍ର ୪୩ ରନ୍ ଦଳୀୟ ସ୍କୋର୍ ବେଳେ ପାକିସ୍ତାନ ୪ଟି ୱିକେଟ ହରାଇଥିଲା । ଏହାପରେ ଇଫ୍ତିଖାର୍ ଅହମ୍ମଦ ଗୋଟିଏ ପଟେ ବଡ଼ ସଟ୍ ଖେଳିବା ଆରମ୍ଭ କରିଥିଲେ । ଏହାରି ମଧ୍ୟରେ ମହମ୍ମଦ ନୱାଜ୍ ମଧ୍ୟ ବଡ଼ ସଟ୍ ଖେଳିବା ଆଶାରେ ୱିକେଟ ହରାଇଥିଲେ । ୭ ନମ୍ବରରେ ବ୍ୟାଟିଂ କରିବାକୁ ଆସିଥିଲ ଅଲରାଉଣ୍ଡର ସଦାବ ଖାନ୍ । ସଦାବ ଓ ଇଫ୍ତିଖାର୍ ମଧ୍ୟରେ ଶେଷ ବେଳକୁ ୩୬ ବଲ୍ରେ ୮୫ ରନ୍ର ଭାଗିଦାରୀ ହୋଇଥିଲା । ଯାହାଫଳରେ ପାକିସ୍ତାନର ଦଳୀୟ ସ୍କୋର୍ ୧୮୫ ରନ୍ରେ ପହଞ୍ଚିଥିଲା । ସଦାବ ଖାନ୍ ୨୦ ବଲ୍ରୁ ଦ୍ରୁତ ଅର୍ଦ୍ଧ ଶତକ ହାସଲ କରିଥିଲେ ।
୧୮୬ ରନ୍ ବିଜୟ ଲକ୍ଷ୍ୟ ପିଛା କରିବାକୁ ଓହ୍ଲାଇଥିବା ଦକ୍ଷିଣ ଆଫ୍ରିକା ଦଳ ପ୍ରଥମ ଓଭରରେ ହିଁ କ୍ବିଣ୍ଟନ ଡିକକ୍ଙ୍କ ୱିକେଟ ହରାଇଥିଲା । ପାକିସ୍ତାନର ଆକ୍ରାମକ ପେସ ଆଟାକ୍ ଆଗରେ ତିଷ୍ଟି ପାରିନଥିଲେ ଦକ୍ଷିଣ ଆଫ୍ରିକା ବ୍ୟାଟର । ଅଧିକ ତେମ୍ବା ବଭୁମା କେତେକ ବଡ଼ ସଟ୍ ଖେଳିଥିଲେ । ତେବେ ସେ ବଡ଼ ସ୍କୋର୍ କରିବାରେ ଅସମର୍ଥ ରହିଥିଲେ । ୯ ଓଭରରେ ୬୬ ରନ୍ କରି ୪ଟି ୱିକେଟ ହରାଇ ମ୍ୟାଚ୍ରେ ବ୍ୟାକ୍ଫୁଟ୍କୁ ଚାଲି ଯାଇଥିଲା ଦକ୍ଷିଣ ଆଫ୍ରିକା । ସେହି ସମୟରେ ବର୍ଷା ଆରମ୍ଭ ହୋଇଥିଲା ।
ବର୍ଷା ଯୋଗୁଁ DL ନିୟମ ଅନୁଯାୟୀ ଦକ୍ଷିଣ ଆଫ୍ରିକାକୁ ୧୪ ଓଭରରେ ୧୪୨ ରନ୍ ଟାର୍ଗେଟ ମିଳିଥିଲା । ପାକିସ୍ତାନର ମାମଚୁପ ବୋଲିଂ ସମ୍ମୁଖରେ ଦକ୍ଷିଣ ଆଫ୍ରିକା ବ୍ୟାଟର ବଡ ସଟ୍ ଖେଳିବାକୁ ସଂଘର୍ଷ କରିଥିଲେ । ଦକ୍ଷିଣ ଆଫ୍ରିକାର ୭ଜଣ ବ୍ୟାଟର ଦୁଇ ଅଙ୍କ ସ୍କୋର୍ରେ ପହଞ୍ଚି ପାରିନଥିଲେ । ଅଧିନାୟକ ତେମ୍ବା ବଭୁମା ସର୍ବାଧିକ ୩୬ ରନ୍ କରିଥିଲେ ।
ଏହି ବିଜୟ ସହ ପାକିସ୍ତାନର ସେମିଫାଇନାଲ ଖେଳିବା ଆଶା ଉଜ୍ଜିବୀତ ରହିଛି । ଦକ୍ଷିଣ ଆଫ୍ରିକା ତାର ପରବର୍ତ୍ତୀ ମ୍ୟାଚ୍ରେ ପରାଜିତ ହେଲେ କିମ୍ବା ଭାରତ ତାର ପରବର୍ତ୍ତୀ ମ୍ୟାଚ୍ରେ ପରାଜିତ ହେଲେ ପାକସ୍ତାନ ପାଇଁ ସେମି ଖେଳିବା ସମୀକରଣ ତିଆରି ହୋଇପାରେ । ତେବେ ଏଥିପାଇଁ ପାକିସ୍ତାନକୁ ବାଂଲାଦେଶ ବିପକ୍ଷରେ ଖେଳିବାକୁ ଥିବା ତାର ଶେଷ ଗ୍ରୁପ ପର୍ଯ୍ୟାୟ ମ୍ୟାଚ୍ ଜିତିବାକୁ ହେବ ।
