ଦୁବାଇ: ଦିଲ୍ଲୀ କ୍ୟାପିଟାଲ୍ସ ବୁଧବାର ଆଇପିଏଲ ୨୦୨୧ରେ UAE ଲିଗ୍ରେ ଜବରଦସ୍ତ ବିଜୟରୁ ଶୁଭାରମ୍ଭ କରିଛି । ସନରାଇଜର୍ସ ହାଇଦ୍ରାବାଦ(SRH) କୁ ହରାଇ ପଏଣ୍ଟ ଟେବୁଲର ଶୀର୍ଷ ସ୍ଥାନରେ ପହଞ୍ଚିଯାଇଛି । ମାତ୍ର ଅଲରାଉଣ୍ଡର ମାର୍କସ ଷ୍ଟୋଇନିସ ଆହତ ହୋଇଥିବାରୁ DCକୁ ବଡ ଝଟକା ଲାଗିଛି ।
କୋଚ୍ ରିକି ପଣ୍ଟିଂଙ୍କୁ ଷ୍ଟୋଇନିସଙ୍କ ଆହତ ରିପୋର୍ଟର ଅପେକ୍ଷା ରହିଛି । ଅଷ୍ଟ୍ରେଲୀୟ ଖେଳାଳି ଷ୍ଟୋଇନିସ SRH ବିପକ୍ଷ ମ୍ୟାଚ୍ରେ ମାଂସପେଶୀରେ ଯନ୍ତ୍ରଣା ଅନୁଭବ କରିଥିଲେ । ଷ୍ଟୋଇନିସ ନିଜର ଦ୍ବିତୀୟ ଓଭର ବୋଲିଂ କରୁଥିବା ସମୟରେ ମାଂସପେଶୀ ଟାଣି ହୋଇଯାଇଥିଲା, ଏହାପରେ ତାଙ୍କୁ ପଡିଆ ଛାଡିବାକୁ ପଡିଥିଲା । ସେ ମାତ୍ର ୭ଟି ବଲ୍ ବୋଲିଂ କରିଥିଲେ ।
ଷ୍ଟୋଇନିସଙ୍କ ଆହତ ହେବା ଖବର କେବଳ ଦିଲ୍ଲୀ କ୍ୟାପିଟାଲ୍ସ ନୁହେଁ ବରଂ, କ୍ରିକେଟ ଅଷ୍ଟ୍ରେଲିଆ ଚୟନକର୍ତ୍ତାଙ୍କୁ ମଧ୍ୟ ଚିନ୍ତାରେ ପକାଇଛି । କାରଣ ଟି-୨୦ ବିଶ୍ବକପକୁ ଆଉମାତ୍ର ଗୋଟିଏ ମାସ ସମୟ ରହିଛି । ଷ୍ଟୋଇନିସ ଟି-୨୦ ବିଶ୍ବକପରେ ଅଷ୍ଟ୍ରେଲିଆକୁ ଟ୍ରଫି ବିଜୟୀ କରାଇବାରେ ପ୍ରମୁଖ ଭୂମିକା ନିଭାଇପାରନ୍ତି ।
ଷ୍ଟୋଇନିସ ଶୀଘ୍ର ସୁସ୍ଥ ହୋଇ ଟିମକୁ ଫେରିବେ ଆଶାରେ ରହିଛି ଦିଲ୍ଲୀ କ୍ୟାପିଟାଲ୍ସ, ଯାହାଫଳରେ ଟିମ ବିଜୟ ଧାରା ବଜାୟ ରଖିପାରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
