ହାଇଦ୍ରାବାଦ: ଜନ୍ମଦିନରେ ଦିନିକିଆ କ୍ରିକେଟ କ୍ୟାରିଅରରେ 49ତମ ଶତକ ହାସଲ କରିଛନ୍ତି କିଙ୍ଗ କୋହଲି । ସ୍ବାମୀଙ୍କ ବିରାଟ ସଫଳତାକୁ ନେଇ ଶୁଭେଚ୍ଛା ଜଣାଇଛନ୍ତି ଅନୁଷ୍କା ଶର୍ମା । ଏନେଇ ସୋସିଆଲ ମିଡିଆରେ ପୋଷ୍ଟ କରିଛନ୍ତି କୋହଲିଙ୍କ ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା । "ନିଜ ଜନ୍ମଦିନରେ ନିଜକୁ ଗିଫ୍ଟ " ଲେଖିବା ସହ ବିରାଟଙ୍କ ଶତକ ହାସଲ ସମୟର ଏକ ଫୋଟୋ ପୋଷ୍ଟ କରିଛନ୍ତି ।
-
Congratulations to Virat Kohli on matching the record for the most centuries in ODIs. A monumental achievement!
— Anurag Thakur (@ianuragthakur) November 5, 2023 " class="align-text-top noRightClick twitterSection" data="
Wishing him and Team Bharat 🇮🇳 continued success! 🏏 #ViratKohli #Bharat #IndVSA pic.twitter.com/lFMONIBbFo
">Congratulations to Virat Kohli on matching the record for the most centuries in ODIs. A monumental achievement!
— Anurag Thakur (@ianuragthakur) November 5, 2023
Wishing him and Team Bharat 🇮🇳 continued success! 🏏 #ViratKohli #Bharat #IndVSA pic.twitter.com/lFMONIBbFoCongratulations to Virat Kohli on matching the record for the most centuries in ODIs. A monumental achievement!
— Anurag Thakur (@ianuragthakur) November 5, 2023
Wishing him and Team Bharat 🇮🇳 continued success! 🏏 #ViratKohli #Bharat #IndVSA pic.twitter.com/lFMONIBbFo
ତେବେ କୋଲକତା ଇଡେନ ଗାର୍ଡେନରେ ସାଉଥ ଆଫ୍ରିକା ବିପକ୍ଷ ମ୍ୟାଚରେ ଅପରାଜିତ ରହି 121 ବଲ ଖେଳି 101 ରନ ହାସଲ କରିବା ସହ ରେକର୍ଡ ସୃଷ୍ଟି କରିଛନ୍ତି ବିରାଟ । ନିଜ 35 ଜନ୍ମଦିନରେ କ୍ରିକେଟ ଇତିହାସରେ ଏକ ନୂଆ ଫର୍ଦ୍ଦ ନିଜ ନାଁରେ କରିଛନ୍ତି । ଦିନିକିଆ ସେଞ୍ଚୁରୀ ରେକର୍ଡରେ କ୍ରିକେଟର ଗଡ ସଚିନ ତେନ୍ଦୁଲକରଙ୍କ ସମକକ୍ଷ ହୋଇଯାଇଛନ୍ତି ବ୍ୟାଟର ବିରାଟ । ସଚିନଙ୍କଠୁ କମ ପାଳି ଖେଳି ସେ ଏହି 49ତମ ଶତକ ହାସଲ କରିଛନ୍ତି । ଆଉ ମାତ୍ର ଗୋଟିଏ ଶତକ ହାସଲ ପରେ ସଚିନଙ୍କ ରେକର୍ଡ ଭାଙ୍ଗିବେ ବିରାଟ । ଆଉ ବିଶ୍ବର ସର୍ବାଧିକ ଦିନିକିଆ ଶତକ ହାସଲକାରୀ ବ୍ୟାଟର ଭାବେ ନିଜର ନାଁ ନୂତନ ପରିଚୟ ସୃଷ୍ଟି କରିବେ । ଏଥିସହିତ ଏହି ମ୍ୟାଚ୍ରେ ଆହୁରି ଏକ ରେକର୍ଡ କରିଛନ୍ତି ବିରାଟ କୋହଲି । ସେ ସଚିନ ଓ ରୋହିତଙ୍କ ପରେ ତୃତୀୟ ଭାରତୀୟ ବ୍ୟାଟର ଭାବେ ଗୋଟିଏ ବିଶ୍ବକପ୍ ସଂସ୍କରଣରେ ୫୦୦ ରନ୍ ପାର୍ କରିଛନ୍ତି ।
ବିରାଟଙ୍କ ରେକର୍ଡକୁ ନେଇ ସବୁଠି ଦେଖାଯାଇଛି ସେଲିବ୍ରେସନର ମାହୋଲ । ଏପଟେ ଜନ୍ମଦିନ ସେପଟେ ସେଞ୍ଚୁରୀ ରେକର୍ଡ ଫ୍ୟାନ୍ସମାନଙ୍କ ମଧ୍ୟରେ ଭରିଦେଇଛି ଉତ୍ସାହ । ଆଉ ଏହା ମଧ୍ୟରେ କୋହଲିଙ୍କ ପତ୍ନୀ ଅନୁଷ୍କା, ଭଉଣୀ ଭାବନା ମଧ୍ୟ ସୋସିଆଲ ମିଡିଆରେ କୋହଲିଙ୍କ ସଫଳତାରେ ସ୍ନେହ ଶ୍ରଦ୍ଧା ବର୍ଷା କରିଛନ୍ତି । ଭଉଣୀ ଭାବନା ମଧ୍ୟ ସୋସିଆଲ ମିଡିଆରେ ପୋଷ୍ଟ କରି କୋହଲିଙ୍କୁ ଜନ୍ମଦିନ ଶୁଭେଚ୍ଛା ଜଣାଇବା ସହ ଶତକ ଉପଲବ୍ଧିକୁ ନେଇ ପ୍ରଂଶସା କରିଛନ୍ତି । ଅନ୍ୟପଟେ କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁର ସୋସିଆଲ ମିଡିଆରେ ଏକ ପୋଷ୍ଟ କରି ବିରାଟଙ୍କ ଉପଲବ୍ଧି ପାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
ତେବେ ନଭେମ୍ବର 5ରେ ବିରାଟ ନିଜର 35 ତମ ଜନ୍ମଦିନ ଅବସରରେ ପଡିଆରେ ଫ୍ୟାନ୍ସମାନଙ୍କୁ ଦେଇଥିଲେ ସେଞ୍ଚୁରୀ ଗିଫ୍ଟ । 119 ବଲରେ ହାସଲ କରିଥିଲେ ଶତକ । ଏହି ମ୍ୟାଚରେ 10ଟି ଚୌକା ମାରିଥିଲେ ବିରାଟ । ଅନ୍ୟପଟେ 5 ଓ୍ବିକେଟ ବିନିମୟରେ 326ରନ ବନାଇ 327ରନର ଲକ୍ଷ୍ୟ ଦେଇଥିବା ବେଳେ 27.1 ଓଭରରେ ମାତ୍ର 83ରନ କରି ଅଲଆଉଟ ହୋଇଯାଇଥିଲା ଦକ୍ଷିଣ ଆଫ୍ରିକା । ଓ୍ବାଲ୍ଡକପର 8ଟି ଯାକ ମ୍ୟାଚରେ ବିଜୟ ଯାତ୍ରା ବଜାୟ ରଖିଛି ଭାରତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
