ନୂଆଦିଲ୍ଲୀ: ପୁଣି ପାକିସ୍ତାନ ବର ସହିତ ବିବାହ କରିବେ ଭାରତୀୟ କନ୍ୟା । ପାକିସ୍ତାନୀ ପେସ ବୋଲର ହାସନ ଅଲ୍ଲୀ ଭାରତର ଝିଅ ସାମିଆ ଆର୍ଜୁଙ୍କ ସହ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି । ସେପ୍ଟମ୍ବର 20ରେ ଦୁବାଇ ଠାରେ ଏହି ହାଇପ୍ରୋଫାଇଲ ବିବାହ ଅନୁଷ୍ଠିତ ହେବ ।
ତେବେ ହାସନ ଅଲ୍ଲୀ ଭାରତୀୟ କ୍ରିକେଟ ଦଳକୁ ବିବାହ କାର୍ଯ୍ୟକ୍ରମରେ ଯୋଗଦେବା ପାଇଁ ନିମନ୍ତ୍ରଣ କରିବେ ବୋଲି କହିଛନ୍ତି । ହାସନ ଅଲ୍ଲୀ କହିଛନ୍ତି ଆମେ ସମସ୍ତେ କ୍ରିକେଟ ବନ୍ଧୁ । ପଡିଆରେ ପ୍ରତିଦ୍ବନ୍ଦିତା ରହିବା ଜରୁରୀ କିନ୍ତୁ ବାହାରେ ନୁହେଁ ।
ହାସନ ଅଲ୍ଲୀଙ୍କୁ ବିବାହ କରୁଥିବା ଭାରତୀୟ ଝିଅ ସୋମିଆ ଏକ ଭାରତୀୟ ବିଶ୍ବବିଦ୍ୟାଳୟରୁ ଏରୋନେଟିକ ଇଂଜିନୟରିଂ ଡିଗ୍ରୀ ହାସଲ କରିଛନ୍ତି । ଏଥିସହିତ ସୋମିଆ, ଏମିରେଟସ ଏୟାରଲାଇନସରେ ଫ୍ଲାଇଟ ଇଂଜିନିୟର ଭାବେ କାର୍ଯ୍ୟ କରୁଛନ୍ତି । ସେ ଦୁବାଇରେ ରହୁଥିବାବେଳେ ତାଙ୍କର ପରିବାର ନୂଆଦିଲ୍ଲୀରେ ରହୁଛନ୍ତି ।
