ଦୁବାଇ: ଭାରତ ଶନିବାର ଇଂଲଣ୍ଡକୁ 4ର୍ଥ ଟେଷ୍ଟରେ ଇଂନିସ ଓ 25 ରନରେ ହରାଇବା ସହ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ତାଲିକାର ଶୀର୍ଷରେ ପହଞ୍ଚିଛି । ଏଥିସହ 3-1ରେ ସିରିଜ ବିଜେତା ମଧ୍ୟ ହୋଇଛି ।
ଇଂଲଣ୍ଡ ବିପକ୍ଷରେ ବିଜୟ ଅର୍ଥାତ ଭାରତ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପର ଉଦ୍ଘାଟନୀ ସଂସ୍କରଣର ଟେବୁଲର ଶୀର୍ଷରେ ଲିଗ୍ ପର୍ଯ୍ୟାୟ ଶେଷ କରିଛି ଭାରତ ।
ଫର୍ମରେ ନଥିବା ଓ ସଂଘର୍ଷ କରୁଥିବା ଇଂଲଣ୍ଡ ବ୍ୟାଟିଂ ଲାଇନଅପ୍କୁ ଅକ୍ଷର ପଟେଲ ଓ ରବିଚନ୍ଦ୍ରନ ଅଶ୍ବିନଙ୍କ ସ୍ପିନ ଯୋଡି ପରାସ୍ତ କରିବା ସହ ଭାରତକୁ ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲରେ ପହଞ୍ଚାଇଛନ୍ତି ।
520 ପଏଣ୍ଟ ସହ ଭାରତ ଲିଗ ପର୍ଯ୍ୟାୟ ଶେଷ କରିଛି, ଯେଉଁଥିରେ 12ଟି ବିଜୟ 4ଟି ପରାଜୟ ଓ ଗୋଟିଏ ଡ୍ର ସାମିଲ ରହିଛି ।
ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ଐତିହାସିକ ଲର୍ଡ୍ସ କ୍ରିକେଟ ଗ୍ରାଉଣ୍ଡରେ ଚଳିତ ବର୍ଷ ଜୁନରେ ଖେଳାଯିବା ନେଇ ସୂଚୀ ରହିଛି । ଭାରତ ଓ ନ୍ୟୁଜିଲାଣ୍ଡ ଫାଇନାଲରେ ମୁହାଁମୁହିଁ ହେବେ ।
ନ୍ୟୁଜିଲାଣ୍ଡ 7ଟି ବିଜୟ ଓ 4ଟି ପରାଜୟରୁ 420 ପଏଣ୍ଟ ସହ ଦ୍ବିତୀୟ ସ୍ଥାନରେ ଅଭିଯାନ ଶେଷ କରିବା ସହ ଫାଇନାଲରେ ପୂର୍ବରୁ ପହଞ୍ଚିସାରିଥିଲା । ଅଷ୍ଟ୍ରେଲିଆ 332 ପଏଣ୍ଟ ସହ ତୃତୀୟ ସ୍ଥାନରେ ସନ୍ତୁଷ୍ଟ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
