ନୂଆଦିଲ୍ଲୀ: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଭାରତୀୟ କ୍ରିକେଟ ଜଗତ କଡା ସମାଲୋଚନା କରିଛି । ମିଳିତ ଜାତିସଂଘର ସାଧାରଣ ପରିଷଦ ବୈଠକରେ ଇମ୍ରାନ ଖାନ ପାକିସ୍ତାନ ପକ୍ଷରୁ ଅଭିଭାଷଣ ରଖିଥିଲେ । ମାତ୍ର ତାଙ୍କର ଭାଷଣରେ ପାକିସ୍ତାନ କମ ଭାରତ ଓ କାଶ୍ମୀର ପ୍ରସଙ୍ଗ ଅଧିକ ସ୍ଥାନ ପାଇଥିଲା । ଭାରତୀୟ କ୍ରିକେଟର ଇମ୍ରାନଙ୍କ ଏହି ଭାଷଣକୁ କଡା ନିନ୍ଦା କରିଛନ୍ତି ।
କ୍ରିକେଟର ମହମ୍ମଦ ଆଝାରୁଦ୍ଦିନ, ଇରଫାନ ଫଠାନ, ଗୌତମ ଗମ୍ଭୀର, ହରଭଜନ ସିଂହ, ବିରେନ୍ଦ୍ର ସେହୱାଗ ଓ ମହମ୍ମଦ ସାମି ଟ୍ବିଟ କରି ଇମ୍ରାନଙ୍କୁ ସମାଲୋଚନା କରିଥିଲେ ।
ତେବେ ଟିମ ଇଣ୍ଡିଆର ପୂର୍ବତନ କ୍ୟାପଟେନ ସୌରଭ ଗାଙ୍ଗୁଲି ଇମ୍ରାନଙ୍କ ଭାଷଣକୁ ଅତି ନିମ୍ନମାନର ବୋଲି କହିଛନ୍ତି । ଗାଙ୍ଗୁଲି କହିଛନ୍ତି ସେ ବିଶ୍ବାସ କରିପାରୁନାହିଁନ୍ତି ଏପରି ଭାଷଣ ପାକିସ୍ତାନ ଭଳି ଦେଶର ପ୍ରଧାନମନ୍ତ୍ରୀ ଦେଉଛନ୍ତି । ସେ ନିଜେ ଜଣେ ପୂର୍ବତନ କ୍ରିକେଟର । ବର୍ତ୍ତମାନର ବିଶ୍ବ ଶାନ୍ତି ଆବଶ୍ୟକ କରୁଛି । ପାକିସ୍ତାନକୁ ଏହାର ବେଶୀ ଆବଶ୍ୟକ ରହିଛି । ମାତ୍ର ସେ ଆଶାନ୍ତି, ପ୍ରତିଶୋଧ ଓ ପରମାଣୁ ଯୁଦ୍ଧର ଧମକ ଦେଇଛନ୍ତି । ଯାହା ଅତ୍ୟନ୍ତ ନିନ୍ଦନୀୟ ।