ମାଞ୍ଚେଷ୍ଟର: ଇଂଲଣ୍ଡ -ଇଣ୍ଡିଜ ମଧ୍ୟରେ ଖେଳାଯାଉଥିବା ଦ୍ବିତୀୟ ଟେଷ୍ଟର 3ୟ ଦିନ ବର୍ଷାରେ ଧୋଇଯିବା ପରେ ନିରାଶ ଘରୋଇ ଦଳ । 3ମ୍ୟାଚ ବିଶିଷ୍ଟ ସିରିଜରେ 1-ରେ ଆଗୁଆ ରହିଛି ୱେଷ୍ଟଇଣ୍ଡିଜ । ତେବେ ଦ୍ବିତୀୟ ଟେଷ୍ଟରେ ଦମଦାର ପ୍ରଦର୍ଶନ ସହ ମ୍ୟାଚର ଫଳାଫଳ ନିଜ ସପକ୍ଷରେ ଆଶା କରୁଥିବା ଇଂଲଣ୍ଡ ନିରାଶ ହୋଇଛି ।
ପ୍ରଥମ ଇଂନିସ 469/9ରେ ଘୋଷଣା କରିବା ପରେ, ଇଣ୍ଡିଜକୁ ଶୀଘ୍ର ଆଉଟ କରିବା ଲକ୍ଷ୍ୟରେ ରହିଥିଲା । ଓପନର ଜନ ଚାମ୍ପବେଲଙ୍କ ୱିକେଟ ମଧ୍ୟ ଶ୍ରୀଘ୍ର ହାସଲ କରିଥିଲା । ଦ୍ବିତୀୟ ଦିନ ଖେଳ ଶେଷରେ ଇଣ୍ଡିଜର ସ୍କୋର 31/1 ରହିଥିଲା । କ୍ରେଗ ବ୍ରେଥୱେଟ 6 ଓ ନାଇଟୱାଚମ୍ୟାନ ଆଲେଜରୀ ଜୋସେଫ ଅପରାଜିତ ରହିଥିଲେ ।
ଦ୍ବିତୀୟ ଦିନ ଶେଷରେ ଇଂଲଣ୍ଡର ପଲ୍ଲା ଭାରୀ ରହିଥିଲା । ତେବେ 3ୟ ଦିନର ବର୍ଷା ସବୁକିଛି ବିଗାଡି ଦେଇଛି । ଇଣ୍ଡିଜ ପାଇଁ ଫାଇଦାମାନ ସାବ୍ୟସ୍ତ ହୋଇଛି । ଆଜି ମ୍ୟାଚର 4ର୍ଥ ଦିନ ହୋଇଥିବାବେଳେ ୱେଷ୍ଟଇଣ୍ଡିଜ ହାତରେ 9 ୱିକେଟ କରିଛି ।
ଫଳରେ ମ୍ୟାଚର ଫଳାଫଳ ନେଇ ସନ୍ଦେହ ସୃଷ୍ଟି ହେବା ସହ ଅମୀମାଂସିତ ଭାବେ ଶେଷ ହେବାର ସମ୍ଭାବନା ରହିଛି । ଏହି ମ୍ୟାଚରେ ବିଜୟ ସହ ସିରିଜ ବରାବର ଲକ୍ଷ୍ୟରେ ରହିଥିଲା ଇଂଲଣ୍ଡ । ବିଜୟ ପାଇଁ ଶେଷ ଦୁଇଟି ଦିନରେ ଇଂଲଣ୍ଡ ବୋଲରଙ୍କୁ ଇଣ୍ଡିଜକୁ ଦୁଇଥର ଅଲଆଉଟ କରିବାକୁ ହେବ । ସେଥିପାଇଁ ମ୍ୟାଚର ଫଳାଫଳକୁ ନେଇ ଆଶଙ୍କା ଦେଖାଦେଇଛି ।
