ଢାକା : ଭାରତ ଆଗରେ ୨୭୨ ରନର ଟାର୍ଗେଟ ରଖିଲା ବାଂଲାଦେଶ । ଆଜି (ବୁଧବାର) ଭାରତ ବାଂଲାଦେଶ ମଧ୍ୟରେ ଦ୍ବିତୀୟ ଦିନିକିଆ ଖେଳାଯାଉଛି । ବାଂଲାଦେଶ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୭ ୱିକେଟ ହରାଇ ୨୭୧ ରନ କରିଛି । ମେହିଦ ହାସନ ମିରାଜ ଦମଦାର ଶତକ ହାସଲ କରିଛନ୍ତି ।
-
WHAT. A. KNOCK 🔥
— ICC (@ICC) December 7, 2022 " class="align-text-top noRightClick twitterSection" data="
Mehidy Hasan Miraz brings up his maiden ODI century to help Bangladesh to a competitive total 💪#BANvIND | Scorecard 👉 https://t.co/A76VyZDXby pic.twitter.com/rYHU4n5iJr
">WHAT. A. KNOCK 🔥
— ICC (@ICC) December 7, 2022
Mehidy Hasan Miraz brings up his maiden ODI century to help Bangladesh to a competitive total 💪#BANvIND | Scorecard 👉 https://t.co/A76VyZDXby pic.twitter.com/rYHU4n5iJrWHAT. A. KNOCK 🔥
— ICC (@ICC) December 7, 2022
Mehidy Hasan Miraz brings up his maiden ODI century to help Bangladesh to a competitive total 💪#BANvIND | Scorecard 👉 https://t.co/A76VyZDXby pic.twitter.com/rYHU4n5iJr
ବାଂଲାଦେଶ ଟସ ଜିତି ଅଧିନାୟକ ଲିଟନ ଦାସ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ । ମହମୁଦଲାହଙ୍କ ଅର୍ଦ୍ଧଶତକ ଓ ହାସନ ମିରାଜଙ୍କ ଦମଦାର ଶତକ ବଳରେ ବାଂଲଦେଶ ୨୭୧ ରନ କରିବାରେ ସକ୍ଷମ ହୋଇପାରିଛି । ବାଂଲାଦେଶର ଆରମ୍ଭରୁ ଓପନିଂ ଯୋଡି ଫେଲ୍ ମାରିଥିଲା । ମହମ୍ମଦ ସିରାଜଙ୍କ ବଲରେ ଆଉଟ ହୋଇ ବାଂଲଦେଶର ଦୁଇ ଓପନର ସଅଳ ପାଭଲିୟନ ଲେଉଟିଥିଲେ । ଏହା ପରେ ବାଂଲାଦେଶର ନିୟମିତ ବ୍ୟବଧାନର ୱିକେଟ ପତନ ଘଟିଥିଲା । ୧୮.୬ ଓଭର ବେଳକୁ ବାଂଲାଦେଶ ୬ ଟି ୱିକେଟ ହରାଇ ସାରିଥିଲା । ଏହା ପରେ ଦଳୀୟ ସ୍କୋର ପାଇଁ ଚାପ ପଡିଥିଲା । ମହମୁଦଲହା ଓ ହାସନ ମିରାଜଙ୍କ ପାର୍ଟନରସିପ ସ୍କୋରବୋର୍ଡକୁ ଆଗକୁ ବଢାଇଥିଲେ । ହାସନ ମିରାଜ ଜବରଦସ୍ତ ବ୍ୟାଟିଂ କରି ଶତକୀୟ ପାଳି ଖେଳିଥିଲେ । ସେ ୮୩ ବଲରୁ ୮ ଟି ଚୌକା ଓ ୪ ଟି ଛକା ସହିତ ୧୦୦ ରନର ଇନିଂସ ଖେଳି ଅପରାଜିତ ରହିଥିଲେ । ସେହିପରି ମହମୁଦଲହା ଧୀମା ବ୍ୟାଟିଂ କରି ୯୬ ବଲରେ ୭୭ ରନର ଇନିଂସ ଖେଳି ଆଉଟ ହୋଇଥିଲେ ।
ଅଧିନାୟକ ଲିଟନ ଦାସ ୭ ରନ, ଅନମୁଲ ହକ ୭ ରନ, ନାଜମୁଲ ହୋସେନ ଶାଣ୍ଟୋ ୨୧ ରନ, ସାକିବ ଅଲ ହାସନ ୮ ରନ, ମୁସଫିକର ରହିମ ୧୨ ରନ, ଏବଂ ଆଫିଫ ହସେନ ଖାତା ଖୋଲି ନପାରି ଶୂନରେ ଆଉଟ ହୋଇଥିଲେ । ସେହିପରି ନାସୁମ ଅହମ୍ମଦ ୧୮ ରନ କରି ଅପରାଜିତ ରହିଥିଲେ । ଅଲରାଉଣ୍ଡର ୱାସିଙ୍ଗଟନ ସୁନ୍ଦର ସର୍ବାଧିକ ୩ଟି ୱିକେଟ ଅକ୍ତିଆର କରିଛନ୍ତି । ସେହିପରି ମହମ୍ମଦ ସିରାଜ ଓ ଉମରାନ ମଲ୍ଲିକ ଦୁଇଟି ଲେଖାଏଁ ୱିକେଟ ନେଇଛନ୍ତି । ରୋହିତ ଏଣ୍ଡ କୋ ଦ୍ବିତୀୟ ଦିନିିକିଆ ବିଜୟ ଲକ୍ଷ୍ୟରେ ୨୭୨ ରନ ଟାର୍ଗେଟ ନେଇ ମଇଦାନକୁ ଓହ୍ଲାଇବେ ।
