କଲମ୍ବୋ: ଏସିଆ କପ୍ ୨୦୨୩ରେ ଆଜି ସୁପର 4 ପର୍ଯ୍ୟାୟର ଶେଷ ମ୍ୟାଚ୍ ଖେଳାଯାଇଥିଲା । ଏହି ମ୍ୟାଚ୍ରେ ଭାରତ ଓ ବାଂଲାଦେଶ ମୁହାଁମୁହିଁ ହୋଇଥିବା ବେଳେ ଭାରତକୁ ୬ ରନ୍ରେ ମାତ୍ ଦେଇଛି ବାଂଲାଦେଶ । ଆଜିର ମ୍ୟାଚ୍ ପାଇଁ ଭାରତ ତାର ଚୂଡ଼ାନ୍ତ ଏକାଦଶରେ ୫ଟି ପରିବର୍ତ୍ତନ କରିଥିଲେ । ଫଳରେ ଆଜି ଦିନିକିଆରେ ଡେବ୍ୟୁ କରିଥିଲେ ତିଲକ ବର୍ମା । ଟସ୍ ଜିତି ପ୍ରଥମେ ବାଂଲାଦେଶକୁ ବ୍ୟାଟିଂ ନିମନ୍ତ୍ରଣ ଦେଇଥିଲା ଭାରତ ।
-
A fine innings calls for a finer celebration 👏💪⚡️
— BCCI (@BCCI) September 15, 2023 " class="align-text-top noRightClick twitterSection" data="
Keep at it, @ShubmanGill.#TeamIndia #AsiaCup2023 pic.twitter.com/3e7F4tPnA6
">A fine innings calls for a finer celebration 👏💪⚡️
— BCCI (@BCCI) September 15, 2023
Keep at it, @ShubmanGill.#TeamIndia #AsiaCup2023 pic.twitter.com/3e7F4tPnA6A fine innings calls for a finer celebration 👏💪⚡️
— BCCI (@BCCI) September 15, 2023
Keep at it, @ShubmanGill.#TeamIndia #AsiaCup2023 pic.twitter.com/3e7F4tPnA6
ଇନିଂସ ଆରମ୍ଭରୁ ବାଂଲାଦେଶର ଓପେନିଂ ଯୋଡ଼ି ଅସହଜ ହୋଇ ପଡ଼ିଥିଲେ । ପ୍ରଥମ ୱିକେଟ ପାଇଁ ଦଳୀୟ ଖାତାରେ ମାତ୍ର ୧୩ ରନ୍ ହିଁ ଯୋଡି ପାରିଥିଲେ । ଏହାପରେ ତାଞ୍ଜିଦ ହାସନ ମଧ୍ୟ ପାଭେଲିୟନ ଫେରିଥିଲେ । ଗୋଟିଏ ପରେ ଗୋଟିଏ ୱିକେଟ ଦଳ ହରାଇ ଚାଲିଥିବା ବେଳେ । ସାକିବ-ଅଲ୍-ହାସନ ଆଜି ଅଧିନାୟକ ପାଳି ଖେଳିଥିଲେ । ସେ ୮୫ ବଲ୍ରୁ ୮୦ ରନ୍ କରି ଦଳକୁ ଏକ ସମ୍ମାନଜନକ ସ୍କୋର୍ କରିବା ଦିଗରେ ଆଗେଇ ନେଇଥିଲେ । ଏଥିରେ ଭରପୁର ସାଥ ଦେଇଥିଲେ ତୋହିଦ ହ୍ରିଦୟ । ଏହାପରେ ଶେଷ ବେଳକୁ ନସମ ଅହମ୍ମଦଙ୍କ କ୍ୟାମିଓ ପାଳିର ୪୪ ରନ୍ ବଳରେ ବାଂଲାଦେଶ ୨୬୫ ରନ୍ କିବାରେ ସକ୍ଷମ ହୋଇଥିଲା । ମାହେଦି ହାସନ ମଧ୍ୟ ୨୯ ରନ କରି ଅପରାଜିତ ରହିଥିଲେ । ଭାରତକୁ ୨୬୬ ରନ୍ର ବିଜୟ ଲକ୍ଷ୍ୟ ଦେଇଥିଲା ବାଂଲାଦେଶ ।
ଭାରତ ପକ୍ଷରୁ ଶାର୍ଦ୍ଦୁଲ ଠାକୁର ସର୍ବାଧିକ ୩ ୱିକେଟ ନେଇଥିବା ବେଳେ ସାମି ଦୁଇଟି ୱିକେଟ ନେଇଥିଲେ । ପ୍ରସିଦ୍ଧ କ୍ରିଷ୍ଣା, ଅକ୍ଷର ପଟେଲ ଓ ରବିନ୍ଦ୍ର ଜାଡେଜା ଗୋଟିଏ ଲେଖାଏଁ ୱିକେଟ ନେଇଥିଲେ । ଶାର୍ଦ୍ଦୁଲ ଆଜିର ମ୍ୟାଚ୍ରେ ସବୁଠାରୁ ମହଙ୍ଗା ବୋଲର ସାବ୍ୟସ୍ତ ହୋଇଥିଲେ ।
ସେପଟେ ଭାରତ ଇନିଂସ ଆରମ୍ଭରୁ ଅଧିନାୟକ ରୋହିତ ଶର୍ମାଙ୍କ ୱିକେଟ ହରାଇଥିଲା । ଖାତା ଖୋଲିବା ପୂର୍ବରୁ ପାଭେଲିୟନ ଫେରିଥିଲେ । ଏହାପରେ ଡବ୍ୟୁଡାଣ୍ଟ୍ ତିଲକ ବର୍ମା ମଧ୍ୟ ମାତ୍ର ୫ ରନ୍ କରି ପାରିଥିଲେ । କୌଣସି ବ୍ୟାଟର ଆଖିଦୃଶିଆ ବ୍ୟାଟିଂ କରି ପାରିନଥିଲେ । ସୂର୍ଯ୍ୟ କୁମାର ଯାଦବ ୨୬ ରନ୍ କରି କିଛି ସମୟ ପାଳି ସମ୍ଭାଳିବାକୁ ଚେଷ୍ଟା କରିଥିଲେ । ତେବେ ଏଥିରେ ସେ ସଫଳ ହୋଇପାରିନଥିଲେ । ଅନ୍ୟପଟେ ଶୁଭମନ ଗିଲ ଏକାକୀ ପାଳି ସମ୍ଭାଳି ଶତକ ହାସଲ କରିଥିଲେ । ସେ ୧୩୩ ବଲ୍ରେ ୧୨୧ ରନ୍ ହାସଲ କରିଥିଲେ । ଏହାପରେ ଅକ୍ଷର ପଟେଲ ଓ ଶାର୍ଦ୍ଦୁଲ ଠାକୁ ପାଳି ସମ୍ଭାଳିଥିଲେ । ଉଭୟ କିଛିଟା ବଡ଼ ସଟ୍ ଖେଳି ଦଳକୁ ବିଜୟ ଦେବାକୁ ଭରପୁର ଚେଷ୍ଟା କରିଥିଲେ । କିନ୍ତୁ ୪୯ ତମ ଓଭରରେ ଶାର୍ଦ୍ଦୁଲ ଆଉଟ ହୋଇଥିଲେ । ଅକ୍ଷର ମଧଅୟ ବେଶି ସମୟ ପିଚ୍ରେ ବିତାଇ ପାରିନଥିଲେ । ଏହାପରେ ଭାରତର ବିଜୟ ସ୍ବପ୍ନ ଧୂଳିସାତ ହୋଇଥିଲା ।
ଶ୍ରୀଲଙ୍କା ପକ୍ଷରୁ ତାଞ୍ଜିବ, ରହମାନ ମାହେଦି ଦୁଇଟି ଲେଖାଏଁ ୱିକେଟ ନେଇଥିବା ବେଳେ ସାକିବ ଓ ମିରାଜ ଗୋଟିଏ ଲେଖାଏଁ ୱିକେଟ ନେଇଥିଲେ । ଫାଇନାଲ୍ରେ ଶ୍ରୀଲଙ୍କାକୁ ଭେଟିବ ଭାରତ ।
