ଝାରସୁଗୁଡ଼ା: ପାରା-ଅଲମ୍ପିକ୍ସରେ ସ୍ବର୍ଣ୍ଣ ପଦକ ବିଜେତା(gold medalists) ପ୍ରମୋଦ ଭଗତଙ୍କୁ ଝାରସୁଗୁଡାରେ ସମ୍ବର୍ଦ୍ଧନା । ସହରର ଏକ ଘରୋଇ ହୋଟେଲରେ ଏହି ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଜିଲ୍ଲାର ବ୍ୟାଡମିଣ୍ଟନ କ୍ରୀଡାସଂଘ ସହିତ ବିଭିନ୍ନ ସଂଗଠନ ପକ୍ଷରୁ ଏହି ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜିତ ହୋଇଥିଲା ।
ଝାରସୁଗୁଡ଼ାରେ ପ୍ରମୋଦ ଭଗତଙ୍କୁ ସମ୍ବର୍ଦ୍ଧନା
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଝାରସୁଗୁଡ଼ା ବିଧାୟକ ତଥା ସ୍ବାସ୍ଥ୍ୟମନ୍ତ୍ରୀ ନବ ଦାସ ଯୋଗ ଦେଇଥିଲେ । ସମ୍ମାନିତ ଅତିଥି ଭାବରେ ଝାରସୁଗୁଡ଼ା ଜିଲ୍ଲାପାଳ ସରୋଜ କୁମାର ସାମଲ ଯୋଗ ଦେଇ ଗୋଲଡେନ୍ ବଏ ପ୍ରମୋଦଙ୍କୁ ସମ୍ବର୍ଦ୍ଧିତ କରିଥିଲେ ।
ଝାରସୁଗୁଡ଼ା ବାସୀଙ୍କ ତରଫରୁ ସମ୍ବର୍ଦ୍ଧିତ ହେବା ପରେ ପ୍ରମୋଦ ଧନ୍ୟବାଦ ଜଣାଇବା ସହ ଖେଳ ପ୍ରତି ରୁଚି ରଖୁଥିବା ସମସ୍ତଙ୍କୁ ହାର ନମାନି ଆଗକୁ ବଢ଼ନ୍ତୁ ବୋଲି ଉତ୍ସାହିତ କରିଥିଲେ ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
