ମୁମ୍ବାଇ: ଅଭିନେତ୍ରୀ କୀର୍ତ୍ତି କୁଲହାରି ନିଜର ଅପକମି ୱେବ ସିରିଜକୁ ନେଇ ଖୁବ୍ ଉତ୍ସାହିତ । ସେ ଖୁବ୍ ଶୀଘ୍ର ନେଟଫ୍ଲିକ୍ସ ସିରିଜ 'ବାର୍ଡ ଅଫ ବ୍ଲଡ'ରେ ନଜର ଆସିବେ, ଯାହାର ସୁଟିଂ ସେ ନିକଟରେ ଶେଷ କରିସାରିଛନ୍ତି । 'ବାର୍ଡ ଅଫ ବ୍ଲଡ'ର କାହାଣୀ ଲେଖକ ବିଲାଲ ସିଦ୍ଦିକୀ ଉପନ୍ୟାସ ଉପରେ ଆଧାରିତ ।
କିଛି ଦିନ ପୂର୍ବରୁ ଏହି ଶୋର ସୁଟିଂ ରାଜସ୍ଥାନର ମଣ୍ଡାୱାରେ ଶେଷ ହୋଇଥିଲା । ବି-ଟାଉନର କିଙ୍ଗ ଖାନ ଶାହରୁଖ ଖାନଙ୍କ ବ୍ୟାନରରେ ତିଆରି ହୋଇଥିବା ଏହି ସିରିଜକୁ ଦର୍ଶକ ଦୀର୍ଘ ସମୟରୁ ଦେଖିବାକୁ ଅପେକ୍ଷା କରି ବସିଛନ୍ତି । ସୁଟିଂ ଶେଷ କରିବା ଅବସରରେ କୀର୍ତ୍ତି ଏକ ସାକ୍ଷାତକାରରେ କହିଥିଲେ ଯେ, ରାଜସ୍ଥାନ ଏମିତି ଏକ ସ୍ଥାନ, ଯେଉଁଠାକୁ ସେ ଅନେକ ଥର ଯାଇଛନ୍ତି । ତାଙ୍କ ଜେଜେବାପା-ଜେଜେମାଆ ରାଜସ୍ଥାନର ଏକ ଗାଁରେ ରହୁଛନ୍ତି, ସେ ମଧ୍ୟ ରାଜସ୍ଥାନର ବାସିନ୍ଦା । ସେଠାରେ ସୁଟିଂ କରିବାକୁ ସବୁବେଳେ ଶାନଦାର ଅନୁଭବ ହୋଇଥାଏ । ଆମେ ମଣ୍ଡାୱା ନାମକ ଏକ ସୁନ୍ଦର ସ୍ଥାନରେ ସିରିଜର ସୁଟିଂ କରିଛୁ । ଯାହା ସୌନ୍ଦର୍ଯ୍ୟରେ ଭରପୂର ।
ପ୍ରକାଶ ଥାଉକି 'ବାର୍ଡ ଅଫ ବ୍ଲଡ'ରେ କିର୍ତ୍ତି ଜଣେ ବଲୁଚି ଝିଅ ଭୂମିକାରେ ଅଭିନୟ କରିଛନ୍ତି । ତାଙ୍କ ଲୁକ ସିରିଜରେ ଅନ୍ୟ କଳାକାରଙ୍କ ଠାରୁ ସମ୍ପୂର୍ଣ୍ଣ ଭିନ୍ନ । ଏହି ୱେବ ସିରିଜର ନିର୍ଦ୍ଦେଶନା ରିଭୁ ଦାସଗୁପ୍ତା ସମ୍ଭାଳିଥିବା ବେଳେ ଏହାର ନିର୍ମାଣ ଶାହରୁଖଙ୍କ ରେଡ ଚିଲିଜ ଏଣ୍ଟରଟେନମେଣ୍ଟ କରିଛି । ଏହା ପ୍ରଥମ ସିରିଜ ଯାହା ଜରିଆରେ ଶାହରୁଖଙ୍କ ପ୍ରଡକ୍ସନ ହାଉସ ଡିଜିଟାଲ ଦୁନିଆରେ ପଦାର୍ପଣ କରିଛି । କିନ୍ତୁ ଏହି ଏଣ୍ଟ୍ରି କୌଣସି ଅଭିନେତା ରୂପେ ନୁହେଁ ଜଣେ ନିର୍ମାତା ରୂପେ କରିଛନ୍ତି ଶାହରୁଖ ।
ଜଣାଇ ଦେଉଛୁ ଯେ 2017ରେ ଶାହରୁଖ ଏହି ସିରିଜ ପାଇଁ ନେଟପ୍ଲିକ୍ସ ସହ ହାତ ମିଳାଇଥିଲେ । ୱେବ ସିରିଜଟି ଏକ ରାଜନୀତି ଜାସୁସ ଥ୍ରିଲର ଉପରେ ଆଧାରିତ । 8ଟି ଏପିସୋଡର ଏହି ସିରିଜ ଭାରତୀୟ ବହୁଭାଷୀ ଶୃଙ୍ଖଳାର ଜଣେ ଗୁପ୍ତଚର କବୀର ଆନନ୍ଦଙ୍କ କାହାଣୀକୁ ଦର୍ଶାଉଛି ।
