ସାନ ଫ୍ରାନ୍ସିସ୍କୋ: ନିଜ ନିଜ କ୍ଷେତ୍ରରେ ଦବଦବା ବଜାୟ ରଖିଥିବା ଟପ୍ କମ୍ପାନୀର ସିଇଓମାନଙ୍କୁ ଆମେରିକୀୟ ପ୍ୟାନେଲ ଜେରା କରିବା ପାଇଁ ଆରମ୍ଭ କରିଛି ପ୍ରସ୍ତୁତି । ଏନେଇ ଇ-ରିଟେଲ, ସ୍ମାର୍ଟଫୋନ ସଫ୍ଟଓୟାର, ସୋସିଆଲ ମିଡିଆ ଓ ରିସର୍ଚ୍ଚ ଆଦି କ୍ଷେତ୍ରରେ ଜେଫ୍ ବେଜୋସ, ଟିମ କୁକ, ମାର୍କ ଜ୍ୟୁକରବର୍ଗ ଓ ସୁନ୍ଦର ପିଚାଇଙ୍କର ସାକ୍ଷ୍ୟ ଗ୍ରହଣ କରିବ ଆମେରିକୀୟ ପ୍ୟାନେଲ ।
ଏନେଇ ପ୍ରତ୍ୟେକ ସିଇଓ ନିଜ ପକ୍ଷ ରଖିବା ପାଇଁ ମଧ୍ୟ ପ୍ରସ୍ତୁତି ଆରମ୍ଭ କରିଛନ୍ତି । ଏମିତିରେ ଆପଲ୍ ସିଇଓ ଟିମ କୁକ ସ୍ପଷ୍ଟ କରିଛନ୍ତି ବିଗତ ଦିନରେ ସ୍ମାର୍ଟଫୋନ ବଜାରରେ ପ୍ରତିଯୋଗିତା ବଢିବାରେ ଲାଗିଛି । ଏନେଇ ଅନ୍ୟ ସ୍ମାର୍ଟଫୋନ କମ୍ପାନୀ ଯଥା ସାମସଙ୍ଗ, ଏଲଜି, ହୁୱାଇ ଓ ଗୁଗୁ ଆଦି ମଧ୍ୟ ପ୍ରତିଯୋଗିତାରେ ସଫଳତାର ସହ ଉର୍ଦ୍ଧ୍ବଗାମୀ ରହିଛନ୍ତି । ତେଣୁ ଆପଲ୍ର ଅନ୍ୟ କମ୍ପାନୀକୁ ଦବାଉଥିବାର କୌଣସି ପ୍ରଶ୍ନ ହିଁ ଉଠୁ ନାହିଁ ।
(ଫଟୋ- ଟିମ୍ କୁକ, ଆପଲ୍ ସିଇଓ)
ଫେସବୁକ ସିଇଓ ମାର୍କ ଜ୍ୟୁକରବର୍ଗ ନିଜର ସଫେଇ ପାଇଁ କହିଛନ୍ତି କି ନିକଟ ଅତୀତରେ ଇନଷ୍ଟାଗ୍ରାମ ଓ ହ୍ବାଟ୍ସଆପ୍ ଉପରେ ଅଧିଗ୍ରହଣ ନେଇ କମ୍ପାନୀକୁ ଭିନ୍ନ ମତର ଶିକାର ହେବାକୁ ପଡିଛି । କିନ୍ତୁ ଏହି ସବୁ ପ୍ଲାଟଫର୍ମର ବିକାଶ ପାଇଁ ଏହାକୁ ଫେସବୁକ ପରିବାରରେ ସାମିଲ କରାଯାଇଥିବା ମାର୍କ ସ୍ପଷ୍ଟ କରିଛନ୍ତି ।
(ଫଟୋ- ମାର୍କ ଜ୍ୟୁକରବର୍ଗ, ଫେସବୁକ ସିଇଓ)
ଅନ୍ୟପଟେ ଇ-କମର୍ସ ଜାଏଣ୍ଟ ଆମାଜନ ସିଇଓ ଜେଫ୍ ବେଜୋସ କିନ୍ତୁ କହିଛନ୍ତି କି କମ୍ପାନୀ ଉପରେ ଛାନଭିନ ନେଇ ତାଙ୍କର କୌଣସି ଆପତ୍ତି ନାହିଁ । ନା ସେ ଏନେଇ କୌଣସି ସଫେଇ ଦେଇଛନ୍ତି ।
(ଫଟୋ- ଜେଫ୍ ବେଜୋସ, ଆମାଜନ ସିଇଓ)
ତେବେ ଆଲଫାବେଟ ଓ ଗୁଗୁଲ ସିଇଓ ସୁନ୍ଦର ପିଚାଇ କହିଛନ୍ତି କି କମ୍ପାନୀ ଦ୍ବାରା କ୍ଷୁଦ୍ର ବ୍ୟବସାୟୀ ଓ ଗ୍ରାହକମାନେ ମୁଖ୍ୟତଃ ଲାଭବାନ ହୋଇପାରୁଛନ୍ତି । କମ୍ପାନୀ ବି କେବଳ ସଫଳତା ଦେଖିଛି ବୋଲି ନୁହେଁ । ବିଫଳତାର ସ୍ବାଦ ମଧ୍ୟ କମ୍ପାନୀ ବେଶ ଭଲ ବାବେ ଚାଖି ସାରିଛି । ତେଣୁ ଏହି ଅନୁଭବକୁ ଧ୍ୟାନରେ ରଖି କମ୍ପାନୀ ଅନ୍ୟ କମ୍ପାନୀର ବିକାଶ ପାଇଁ ମଧ୍ୟ ଭିତ୍ତିଭୂମି ପ୍ରସ୍ତୁତ କରିବାରେ ସହାୟକ ହେଉଛି ।
(ଫଟୋ- ସୁନ୍ଦର ପିଚାଇ, ଗୁଗୁଲ ଓ ଆଲଫାବେଟ ସିଇଓ)
ବ୍ୟୁରୋ ରିପୋର୍ଟ, ଇଟିଭି ଭାରତ
