ହାଇଦ୍ରାବାଦ: ଭାରତୀୟ ଟେନିସ୍ ଖେଳାଳି ସାନିଆ ମିର୍ଜା ଏବଂ ପାକିସ୍ତାନର ପୂର୍ବତନ କ୍ରିକେଟର ସୋଏବ ମଲିକଙ୍କ ବିବାହ ବିଚ୍ଛେଦ ହେବା ନେଇ ବର୍ତ୍ତମାନ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । ତେବେ ପାକିସ୍ତାନୀ ମଡେଲ ଆୟେଶା ଓମାରଙ୍କ ସହ ସୋଏବଙ୍କ ସମ୍ପର୍କ ରହିଥିବାରୁ ଏହି ବିବାହ ବିଚ୍ଛେଦ ହେବାକୁ ଯାଉଛି ବୋଲି କୁହାଯାଉଛି ।
ତେବେ ସାନିଆ ଓ ସୋଏବଙ୍କ ବିବାହ ବିଚ୍ଛେଦକୁ ନେଇ ଚର୍ଚ୍ଚା ଲାଗି ରହିଥିବାବେଳେ ସୋଏବ ଓ ପାକିସ୍ତାନୀ ମଡେଲ ଆୟେଶା ଓମାରଙ୍କ କିଛି ଫୋଟୋ ଗଣମାଧ୍ୟମରେ ଖୁବ ଭାଇରାଲ ହେବାରେ ଲାଗିଛି । ଯାହା ଏହି ଚର୍ଚ୍ଚାକୁ ଆହୁରି ଖୋରାକ ଯୋଗାଇଛି । ଅବଶ୍ୟ ବିବାହ ବିଚ୍ଛେଦକୁ ଔପଚାରିକ ଭାବେ ଘୋଷଣା କରିନାହାନ୍ତି ସାନିଆ ଓ ସୋଏବ । କିନ୍ତୁ ସେମାନଙ୍କର ସମ୍ପର୍କୀୟ ଏନେଇ ଗଣମାଧ୍ୟମକୁ ସୂଚନା ଦେଇଥିବା ପାକିସ୍ତାନୀ ଗଣମାଧ୍ୟମରେ ଖବର ପ୍ରସାରିତ ହୋଇଛି ।
ସୋଏବ ପାକିସ୍ତାନୀ ମଡେଲ ଆୟେଶା ଉମାରଙ୍କ ସହ ସମ୍ପର୍କରେ ଥିବାରୁ ଏଭଳି ଘଟିଛି ବୋଲି କିଛି ଗଣମାଧ୍ୟମରେ କୁହାଯାଉଛି । ବର୍ତ୍ତମାନ ଆୟେଶାଙ୍କ ସହ ସୋଏବଙ୍କ ମଧ୍ୟ କିଛି ଅନ୍ତରଙ୍ଗ ମୁହୂର୍ତ୍ତର ଫଟୋ ସାମାଜିକ ଗଣମାଧ୍ୟମରେ ଦେଖିବାକୁ ମିଳୁଛି । ସେଥିପାଇଁ ସାନିଆ ଓ ସୋଏବଙ୍କ ବିବାହ ବିଚ୍ଛେଦର ଏହା ଏକ କାରଣ ହୋଇପାରେ ବୋଲି ପାକିସ୍ତାନ ଗଣମଧ୍ୟମରେ ଚର୍ଚ୍ଚା ହୋଇଛି । ଆୟେଶା ଜଣେ ପାକିସ୍ତାନୀ ପ୍ରସିଦ୍ଧ ଅଭିନେତ୍ରୀ । ସୋଏବ ଏବଂ ଆୟେଶା ଏକ ପାକିସ୍ତାନୀ ବିଜ୍ଞାପନ ପାଇଁ ସୁଟିଂ କରିଥିଲେ । ଯାହାର ଫଟୋ ସୋଏବ ନିଜେ ସୋସିଆଲ ମିଡିଆରେ ସେୟାର କରିଥିଲେ ।
ଉଲ୍ଲେଖନୀୟ ଯେ, ସୋଏବ ମଲିକ ଏବଂ ସାନିଆ ମିର୍ଜା ୨୦୧୦ ମସିହାରେ ବିବାହ କରିଥିଲେ । ଏହା ସୋଏବଙ୍କର ଦ୍ବିତୀୟ ବିବାହ ଥିଲା । ସୋଏବଙ୍କ ପ୍ରଥମ ବିବାହ ଟିଜର ଆୟେଶା ସିଦ୍ଦିକିଙ୍କ ସହ ହୋଇଥିଲା । ତେବେ ଏହି ପୂର୍ବ ପାକିସ୍ତାନୀ କ୍ରିକେଟର ପାକିସ୍ତାନୀ ମଡେଲ ଆୟେଶା ଉମାରଙ୍କୁ ତୃତୀୟ ବିବାହ କରିବେ ବୋଲି ଚର୍ଚ୍ଚା ହେଉଛି ।
