ହାଇଦ୍ରାବାଦ: ସାଉଥ୍ର ଦୁଇ ବଡ ଷ୍ଟାର ସାମନ୍ଥା ରୁଥ ପ୍ରଭୁ ଏବଂ ବିଜୟ ଦେବରକୋଣ୍ଡା କାଶ୍ମୀରରେ ସେମାନଙ୍କର ଆଗାମୀ ଚଳଚ୍ଚିତ୍ର 'କୁଶି'ର ସୁଟିଂ କରୁଥିଲେ। ସୁଟିଂ ସମୟରେ ଉଭୟ ଗୁରୁତର ଆହତ ହୋଇଛନ୍ତି । ଏହା ପରେ ଉଭୟଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା ଏବଂ ପ୍ରାଥମିକ ଚିକିତ୍ସା ଦିଆଯାଇଥିଲା । ଏକ ରିପୋର୍ଟ ଅନୁଯାୟୀ, ଏକ ଆକ୍ସନ୍ ସୁଟ୍ ସମୟରେ ଉଭୟେ ଗୁରୁତର ଆହତ ହୋଇଥିଲେ, ତେଣୁ ସୁଟିଂକୁ କିଛି ଘଣ୍ଟା ବନ୍ଦ କରିବାକୁ ପଡିଥିଲା । ଏହି ଖବର ଶୁଣି ଉଭୟଙ୍କ ଫ୍ୟାନ୍ସ ଚିନ୍ତିତ ହୋଇ ପଡିଛନ୍ତି ।
- " class="align-text-top noRightClick twitterSection" data="
">
ବିଜୟ ଦେବରକୋଣ୍ଡାଙ୍କ ଟିମ୍ର ମୁଖପାତ୍ର କହିଛନ୍ତି, ସାମନ୍ଥା ଏବଂ ବିଜୟ ଦେବରକୋଣ୍ଡା କାଶ୍ମୀରର ପହଲଗାମ ଅଞ୍ଚଳରେ ଏକ ଷ୍ଟଣ୍ଟ ସିକ୍ବେନ୍ସର ସୁଟିଂ କରୁଥିଲେ, ଯେଉଁଥିରେ ସେମାନେ ଆହତ ହୋଇଥିଲେ । ଏହି ସିନ ବହୁତ କଷ୍ଟସାଧ୍ୟ ଥିଲା । ଦୁହିଁଙ୍କୁ ଲିଡର ନଦୀର ଉଭୟ ପାର୍ଶ୍ୱରେ ବନ୍ଧା ହୋଇଥିବା ଏକ ଦଉଡି ଉପରେ ଗାଡି ଚଳାଇବାର ଥିଲା, କିନ୍ତୁ ଦୁର୍ଭାଗ୍ୟବଶତଃ ଗାଡିଟି ଗଭୀର ପାଣିରେ ପଡ଼ିଯାଇଥିଲା ଏବଂ ତାଙ୍କ ପିଠିରେ ଆଘାତ ଲାଗିଥିଲା। ଯାହାପରେ ତାଙ୍କୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା। ବର୍ତ୍ତମାନ ଉଭୟଙ୍କ ଫିଜିଓଥେରାପି ଚାଲିଛି ।
ଉଲ୍ଲେଖନୀୟ ଯେ, କିଛି ଦିନ ପୂର୍ବରୁ ବିଜୟ ଏବଂ ସାମନ୍ଥା ଟାଇଟଲ୍ ଟ୍ରାକ୍ 'କୁଶି'ର ଏକ ମ୍ୟୁଜିକ୍ ଭିଡିଓ ଟିଜର ରିଲିଜ୍ କରିଥିଲେ। ଏହି ଟିଜରରେ ଦୁହେଁ କିଛି ରୋମାଣ୍ଟିକ୍ ମୁହୂର୍ତ୍ତ ସେୟାର କରିଥିବା ଦେଖିବାକୁ ମିଳିଥିଲା । ଖ୍ରୀଷ୍ଟମାସ ଏବଂ ନୂଆ ବର୍ଷ ଅବସରରେ ଏହା ଚଳିତ ବର୍ଷ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
