ମୁମ୍ବାଇ: ବିକି କୌଶଲ ଏବଂ ମାନୁଷୀ ଚିଲ୍ଲରଙ୍କ ଅଭିନୀତ ଚଳଚ୍ଚିତ୍ର ‘ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି’ ଖୁବଶୀଘ୍ର ମୁକ୍ତିଲାଭ କରିବାକୁ ଯାଉଛି । ବିକି କୌଶଲଙ୍କୁ ଶେଷ ଥର ପାଇଁ ଫିଲ୍ମ ‘ଜରା ହଟକେ ଜରା ବଚକେ’ରେ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରଟି ବକ୍ସ ଅଫିସରେ ଧମାଲ ମଚାଇଥିଲା । ବର୍ତ୍ତମାନ ସେ ତାଙ୍କ ଆଗାମୀ ଫିଲ୍ମ ସହିତ ସମାନ ଧମାଲ ମଚାଇବାକୁ ଚାହୁଁଛନ୍ତି । ଫିଲ୍ମ ରିଲିଜ୍ ହେବାକୁ ଆଉ ବେଶୀ ସମୟ ନାହିଁ ଏବଂ ଫିଲ୍ମର ପ୍ରଥମ ଗୀତ ‘କହ୍ନେୟା ଟ୍ୱିଟର ପେ ଆଜା’ ଗୀତ ଆଜି(ବୁଧବାର) ମୁକ୍ତିଲାଭ କରିଛି ।
- " class="align-text-top noRightClick twitterSection" data="">
ଏହି ଗୀତକୁ ନକାଶ ଅଜିଜ୍ ଗାଇଛନ୍ତି । ଏହି ଗୀତର ଲିରିକ୍ସ ଅମିତାଭ ଭଟ୍ଟାଚାର୍ଯ୍ୟ ଲେଖିଛନ୍ତି ଏବଂ ପ୍ରୀତମ ଏହାକୁ ତାଙ୍କ ସଙ୍ଗୀତରେ ରଚନା କରିଛନ୍ତି । ୟଶରାଜ ଫିଲ୍ମସ୍ର ଆଗାମୀ ଥିଏଟ୍ରିକାଲ ରିଲିଜ୍ ‘ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି’ (TGIF)ରେ ଭଜନ କୁମାର ନାମକ ଏକ ସ୍ଥାନୀୟ ଗାୟକ ତାରକା ଭୂମିକାରେ ବିକି କୌଶଲ ଅଭିନୟ କରିଛନ୍ତି । ଆଜି ଭଜନ କୁମାର ଭାବରେ ବିକିଙ୍କୁ ଉନ୍ମୋଚନ କରି ୟଶରାଜ ଫିଲ୍ମସ୍ର TGIF(ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି)ର ପ୍ରଥମ ଗୀତ ‘କହ୍ନେୟା ଟ୍ୱିଟର ପେ ଆଜା’ ଲଞ୍ଚ କରିଛି, ଯାହାକି ଫିଲ୍ମରେ ବିକିଙ୍କ ଏଣ୍ଟ୍ରି ଗୀତ ଅଟେ ।
ବିକି କୌଶଲ ଖୁଲାସା କରିଛନ୍ତି, "ମୁଁ ଏହି ଫିଲ୍ମ ‘ଦି ଗ୍ରେଟ ଇଣ୍ଡିଆନ ଫ୍ୟାମିଲି’ରେ ଭଜନ କୁମାର ନାମକ ଜଣେ ଗାୟକ ତାରକା ଭୂମିକାରେ ଅଭିନୟ କରୁଛି । ଜଣେ ଅଭିନେତା ଭାବରେ, ମୁଁ ଲୋକଙ୍କ ମୁହଁରେ ହସ ଆଣିବାକୁ ଭଲ ପାଏ ଏବଂ ମୁଁ ଆଶା କରୁଛି ଯେ ମୁଁ ଏହା କରିପାରିବି । ତେଣୁ, ବର୍ତ୍ତମାନ କ୍ୟାଟ୍ ବ୍ୟାଗରୁ ବାହାରିଛି ! ମୁଁ ଆଶା କରୁଛି ଲୋକମାନେ TGIFରେ ମୋର ନୂଆ ଅବତାର ପସନ୍ଦ କରିବେ । ମୁଁ ଏହା ଦେଖିବାକୁ ଆଗ୍ରହୀ କି, ଭଜନ କୁମାରଙ୍କୁ ଦର୍ଶକ କିପରି ପସନ୍ଦ କରୁଛନ୍ତି । ମୁଁ ଜାଣେ ଏହି ଭୁମିକାକୁ ବଡ଼ ପରଦାରେ ଜୀବନ୍ତ କରିବା ପାଇଁ ମୋର ସବୁକିଛି ଦେଇଛି ।"
ବିଜୟ କୃଷ୍ଣ ଆଚାର୍ଯ୍ୟଙ୍କ ନିର୍ଦ୍ଦେଶିତ ୟାଇଆର୍ଏଫ୍ ଏବଂ ବିକି କୌଶଲଙ୍କ ମଧ୍ୟରେ TGIF ହେଉଛି ପ୍ରଥମ ସହଯୋଗ । 'କହ୍ନେୟା' ଟ୍ୱିଟର ପେ ଆଜା’ ଅମିତାଭ ଭଟ୍ଟାଚାର୍ଯ୍ୟଙ୍କ ଦ୍ୱାରା ଲିଖିତ ଏବଂ ସଙ୍ଗୀତ ପ୍ରୀତମଙ୍କ ଦ୍ବାରା ଲେଖାଯାଇଛି । TGIF ସେପ୍ଟେମ୍ବର 22ରେ ସାରା ବିଶ୍ୱରେ ରିଲିଜ୍ ହେବାକୁ ଯାଉଛି ।
