ରାଉରକେଲା: ସୁନ୍ଦରଗଡ ସଦର ଫରେଷ୍ଟ ରେଞ୍ଜରେ ଦନ୍ତା ଆତଙ୍କ। ଗତ ଶନିବାର ଝାଡଖଣ୍ଡୀ ହାତୀ ପସି ବ୍ୟାପକ କ୍ଷତି ଘଟାଇବା ସହ ଜଣକୁ ଦଳି ଦେଇଛନ୍ତି । ଏଥିସହ ଦନ୍ତାର ଆକ୍ରମଣରେ 2 ଜଣ ଗୁରୁତର ହେବା ସହ ହୁଟୁପାନୀ, ହମିରପୁର ଓ କଟିଙ୍ଗିଡିହି ଅଞ୍ଚଳରେ 3ଟି ଘରକୁ ଭାଙ୍ଗି ଦେଇଛନ୍ତି ଦନ୍ତା ।
ହମିରପୁର ଅଞ୍ଚଳର ଶଙ୍କର ତାଣ୍ଡିଆକୁ ଦନ୍ତା ଦଳି ଦେଇଥିବା ତାଙ୍କୁ ତୁରନ୍ତ ବୁର୍ଲା ସ୍ଥାନାନ୍ତର କରାଯାଇଥିଲା । କିନ୍ତୁ ସେଠାରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର । ତେବେ ବର୍ତ୍ତମାନ ଦନ୍ତା ହାତୀଟି କଟିଙ୍ଗିଡିହି ନିକଟ ଜଙ୍ଗଲରେ ରହିଥିବା ସୂଚନା ରହିଛି । ବନ ବିଭାଗ ଗତକାଲି ସନ୍ଧ୍ୟାରୁ ହାତୀଟିକୁ ଟ୍ରାକିଂ କରୁଥିବା ବେଳେ ବର୍ତ୍ତମାନ ତାର ଗତିବିଧି ଉପରେ ନଜର ରଖାଯାଇଛି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
