ରାଉରକେଲା: ଦୂରାରୋଗ୍ୟରେ ପୀଡିତ ମହିଳାଙ୍କ ଆତ୍ମହତ୍ୟା ଅଭିଯୋଗ । କୌଣସି ଏକ ଦୂରାରୋଗ୍ୟର ଚିକିତ୍ସା କରି ନପାରି ଜଣେ ମହିଳା ହତାଶ ହୋଇ ଆତ୍ମହତ୍ୟା କରିଛନ୍ତି । ମହିଳା ଜଣକ ନିଜ ଦେହରେ କିରୋସିନ ଢାଳି ନିଆଁ ଲଗାଇ ଦେଇଥିଲେ । ରାଉରକେଲା ବିଶ୍ରା ଥାନା ଅଞ୍ଚଳର ଗଡା ମୋହଲାରେ ଏହି ଖବର ଏବେ ଆଲୋଡନ ସୃଷ୍ଟି କରିଛି ।
ଆତ୍ମହତ୍ୟା କରିଥିବା ମହିଳା ଜଣକ ଦେଢ ବର୍ଷ ପୂର୍ବେ ବିବାହ କରିଥିବାବେଳେ ତା ନାମ ରୁହୀ ଖାତୁନ ବୋଲି ଜଣାପଡିଛି । ରବିବାର ସନ୍ଧ୍ୟାରେ ରୁହି ନିଜ ଶାଶୁଘରେ କବାଟ ବନ୍ଦ କରି ଦେହରେ କିରୋସିନ ଢାଳି ଆତ୍ମହତ୍ୟା କରିଛନ୍ତି । ଏ ବାବଦରେ ଉକ୍ତ ମହିଳାଙ୍କ ପିତା ମେହବୁବ ଆନସାରୀ ବିଶ୍ରା ଥାନାରେ ରିପୋର୍ଟ କରିଛନ୍ତି ।
କୌଣସି ଦୂରାରୋଗ୍ୟରେ ପୀଡିତ ଥିବାବେଳେ ସେ ସୁସ୍ଥ ହେବା ନେଇ ରୁହୀଙ୍କ ମନରେ ଆଶଙ୍କା ସୃଷ୍ଟି ହୋଇଥିଲା । ଆଉ ଶେଷରେ ବଞ୍ଚିବାର ଆଶା ଛାଡି ଆତ୍ମହତ୍ୟା କରିବାର ପନ୍ଥା ଆପଣେଇ ନେଇଥିଲେ ରୁହୀ ।
ତେବେ କେଉଁ କାରଣରୁ ରୁହୀ ଆତ୍ମହତ୍ୟା କଲେ ସେନେଇ ପୋଲିସ ତଦନ୍ତ କରୁଛି । ଏହି ଅଘଟଣ ବେଳେ ରୁହୀଙ୍କ ସ୍ବାମୀ ଘରେ ନଥିବା ଜଣାପଡିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ