ପୁରୀ: କୋରୋନା ସଂକ୍ରମଣ ପାଇଁ ଶ୍ରୀମନ୍ଦିରରେ ଲାଗିଥିବା ଦର୍ଶନ କଟକଣାକୁ ପ୍ରତ୍ୟାହାର କରାଯାଇଛି । ମାର୍ଚ୍ଚ ୨୦ ଠାରୁ ରବିବାର ମଧ୍ୟ ମନ୍ଦିର ଖୋଲିବା ସହ ସାଧାରଣ ଦର୍ଶନକୁ ଅନୁମତି ମିଳିବ । ଆଜି (ଶନିବାର) ଜିଲ୍ଲାପାଳଙ୍କ ଅଧ୍ୟକ୍ଷତାରେ ବସିଥିବା ଛତିଶା ନିଯୋଗ ବୈଠକରେ ଏନେଇ ନିଷ୍ପତ୍ତି ହୋଇଛି ।
ଏଣିକି ରବିବାର ଖୋଲିବ ଶ୍ରୀମନ୍ଦିର
ସେହିପରି ବୈଠକରେ ଦୋଳ ପୂର୍ଣ୍ଣିମାରେ ମହାପ୍ରଭୁଙ୍କ ସୁନାବେଶ ଓ ଦର୍ଶନ ଆଦିକୁ ଶୃଙ୍ଖଳିତ ଭାବେ ଶେଷ କରିବା ନେଇ ଆଲୋଚନା ହୋଇଛି । ଭିଡ଼ କମାଇବା ଲାଗି ଦ୍ବାରଫିଟା ନୀତି ସଅଳ କରିବା ଉପରେ ଗୁରୁତ୍ବ ଦିଆଯାଇଛି । ଶ୍ରୀମନ୍ଦିର ଛତିଶା ନିଯୋଗ ବୈଠକ ପରେ ପୁରୀ ଜିଲ୍ଲାପାଳ ସମର୍ଥ ବର୍ମା ଏହି ସୂଚନା ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
