କଟକ: ପୁଣି ଅସୁସ୍ଥ ଅଭିଯୁକ୍ତଙ୍କୁ ଭେଟିବା ପାଇଁ ପରିବାର ଲୋକଙ୍କୁ ବାରଣ କରାଯାଇଥିବା ଅଭିଯୋଗ ଆସିଛି । ପୋଲିସ ଚିକିତ୍ସାଧୀନ ଅଭିଯୁକ୍ତଙ୍କ ସହ ପରିବାରର ସାକ୍ଷାତ କରିବାକୁ ନଦେବା ସହ ଦୁର୍ବ୍ୟବହାର କରିଥିବା ଅଭିଯୋଗ କରିଛନ୍ତି ସମ୍ପର୍କୀୟ ।
ଅସୁସ୍ଥ ଅଭିଯୁକ୍ତଙ୍କ ସହ ପୋଲିସ ସାକ୍ଷାତ କରାଇଦେଉନଥିବା ଅଭିଯୋଗ
ସୂଚନା ଅନୁଯାୟୀ ପୁରୀ ଜିଲ୍ଲା ପିପିଲି ଥାନାରେ ଥିବା ଜଣେ ଅଭିଯୁକ୍ତଙ୍କୁ ଥାର୍ଡଡିଗ୍ରୀ ଦେବାପରେ ସେ ଅସୁସ୍ଥ ହୋଇପଡିଥିଲେ । ଏହାପରେ ଥାନା ପକ୍ଷରୁ ତାଙ୍କୁ କଟକ ଏସସିବି ହସ୍ପିଟାଲରେ ଭର୍ତ୍ତି କରାଯାଇଥିଲା । ଏନେଇ ପରିବାର ଲୋକେ ଜାଣିବା ପରେ ଚିକିତ୍ସାଧୀନ ଅଭିଯୁକ୍ତଙ୍କୁ ଭେଟିବା ପାଇଁ ହସ୍ପିଟାଲରେ ପହଞ୍ଚିଥିଲେ । କିନ୍ତୁ ସେଠାରେ ପୋଲିସ୍ ସେମାନଙ୍କୁ ଭେଟିବାକୁ ଦେଇନଥିବା ଅଭିଯୋଗ କରାଯାଇଛି । ଏଥିସହ ପୋଲିସ ଦୁର୍ବ୍ୟବହାର ମଧ୍ୟ କରିଥିବା ସମ୍ପର୍କୀୟ ଅଭିଯୋଗ କରିଛନ୍ତି । ତେବେ ଏପରି ପୋଲିସ କାହିଁକି କରୁଛି ବୋଲି ପ୍ରଶ୍ନ କରିଛନ୍ତି ଅଭିଯୁକ୍ତଙ୍କ ପରିବାର ଲୋକ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
