କଟକ: ବର୍ଷା ଦିନ ଆସିଲେ ଡେଙ୍ଗୁ ଭଳି ମାରାତ୍ମକ ରୋଗକୁ ନେଇ ମନରେ ପଶେ ଛନକା । ଫଳରେ ବର୍ଷା ଦିନରେ ବିଭିନ୍ନ ଡାକ୍ତରଖାନାରେ ଡେଙ୍ଗୁ ପାଇଁ ସ୍ବତନ୍ତ୍ର ପ୍ରକୋଷ୍ଠ ଖୋଲିଥାଏ । ତେବେ ଡେଙ୍ଗୁ ରୋଗ କଟକରେ ପ୍ରତିବର୍ଷ କାୟାବିସ୍ତାର କରୁଥିବାରୁ ଚଳିତ ବର୍ଷ ଯେପରି ଡେଙ୍ଗୁ ନ ହେବ, ସେନେଇ ଜିଲ୍ଲା ପ୍ରଶାସନ ପକ୍ଷରୁ ସମୀକ୍ଷା କରାଯାଇଛି ।
ଏହି ଅବସରରେ ଡେଙ୍ଗୁ ନିରାକରଣ ପାଇଁ ସମସ୍ତ ବିଭାଗର ମତାମତ ଲୋଡିଛନ୍ତି କଟକ ଜିଲ୍ଲାପାଳ । ସେହି ମତାମତକୁ ନେଇ ଦିନେ ଦୁଇ ଦିନ ଭିତରେ ସିଡିଏମଓ ଆକ୍ସନପ୍ଲାନ କରିବେ । ଏହି ଆକ୍ସନପ୍ଲାନକୁ ନେଇ ଡେଙ୍ଗୁ ନିରାକରଣ ପାଇଁ ପଦକ୍ଷେପ ନିଆଯିବ ବୋଲି ଶୁକ୍ରବାର ଜିଲ୍ଲାପାଳ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସେହିପରି ଶିଳ୍ପାଞ୍ଚଳରେ ଡେଙ୍ଗୁ ରୋଗୀଙ୍କ ସଂଖ୍ୟା ଅଧିକ ଦେଖାଯାଉଥିବାରୁ ଶିଳ୍ପାଞ୍ଚଳର ସଦସ୍ୟ ଓ ଉକ୍ତ ଅଞ୍ଚଳରେ ଥିବା ସମସ୍ତ ଶିକ୍ଷାନୁଷ୍ଠାନର ଛାତ୍ରଛାତ୍ରୀଙ୍କୁ ନେଇ ଡେଙ୍ଗୁ ସଚେତନତା କାର୍ଯ୍ୟକ୍ରମ କରାଯିବ ବୋଲି ସେ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
