ଭୁବନେଶ୍ବର: ସ୍ବାମୀ ସାମ୍ନାରେ ଟ୍ରେନ ଲାଇନକୁ ଡେଇଁ ଆତ୍ମହତ୍ୟା କଲେ ମହିଳା । ଏପରି ଅଭାବନୀୟ ଘଟଣା ଘଟିଛି ରାଜଧାନୀ କାର୍ଗିଲ ବସ୍ତି ନିକଟ ରେଳ ଲାଇନରେ । ମୃତ ମହିଳାଙ୍କ ନାଁ ସ୍ମୃତିରେଖା ନନ୍ଦ ଓ ସେ ପାତ୍ରପଡା ଅଞ୍ଚଳର ବୋଲି ଜଣାପଡିଛି । ଘଟଣାସ୍ଥଳରେ GRP ପୋଲିସ ପହଞ୍ଚି ମୃତଦେହ ଜବତ କରିବା ସହ ମହିଳାଙ୍କ ସ୍ଵାମୀକୁ ଅଟକ ରଖି ପଚରାଉଚରା ଆରମ୍ଭ କରିଛି ।
ମିଳିଥିବା ସୂଚନା ଅନୁସାରେ ଏକ କାରରେ ଦମ୍ପତ୍ତି ଘରକୁ ଫେରୁଥିବାବେଳେ ହଠାତ ମହିଳାଜଣଙ୍କ ଗାଡି ଡୋର ଖୋଲି ରେଳ ଲାଇନକୁ ଦୌଡିବା ଆରମ୍ଭ କରିଥିଲେ। ଦ୍ରୁତ ଗତିରେ ଆସୁଥିବା ଟ୍ରେନରେ ପିଟି ହୋଇ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ମୃତ ମହିଳାଜଣଙ୍କର ଏକ ଛୋଟ ଝିଅ ଥିବାବେଳେ ସେ ମାନସିକ ବିକାରଗସ୍ତ ଥିବା ତାଙ୍କ ମା ସୂଚନା ଦେଇଛନ୍ତି । ଘଟଣାସ୍ଥଳରୁ GRP ପୋଲିସ ଉଭୟ ଦମ୍ପତ୍ତି ଆସୁଥିବା କାରକୁ ଜବତ କରିବା ସହ ସ୍ବାମୀ ସୁବାସୀଷ ରଥଙ୍କୁ ମଧ୍ୟ ଥାନାକୁ ନେଇ ପଚରାଉଚରା ଆରମ୍ଭ କରିଥିବା ସୂଚନା ରହିଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
