ଭୁବନେଶ୍ବର: ବାତ୍ୟା ଜୱାଦ କ୍ଷୟକ୍ଷତି(Cyclone Jawad Effect) ନେଇ ଜିଲ୍ଲାପାଳମାନଙ୍କୁ ରିପୋର୍ଟ ମଗାଯାଇଛି, ଚୂଡାନ୍ତ ରିପୋର୍ଟ ଆସିବା ପରେ ସରକାରୀସ୍ତରରେ ସହାୟତା ଘୋଷଣା କରାଯିବ କହିଲେ ରାଜସ୍ବ ମନ୍ତ୍ରୀ ସୁଦାମ ମାରାଣ୍ଡି ।
Cyclone Jawad Compensation: ରିପୋର୍ଟ ଆସିଲା ସହାୟତା ଦିଆଯିବ କହିଲେ ରାଜସ୍ବ ମନ୍ତ୍ରୀ
ସେ କହିଛନ୍ତି ଯେ, ରିଲିଫ କୋର୍ଡ ଅନୁଯାୟୀ ଚାଷୀଙ୍କୁ ସହାୟତା ମିଳିବ । ପୂର୍ବରୁ ଜନସାଧାରଣଙ୍କୁ ସଚେତନ କରାଯାଇଥିଲା । କ୍ଷୟକ୍ଷତି ଆକଳନ ଆରମ୍ଭ ହୋଇଛି, ଜିଲ୍ଲାପାଳମାନେ ରିପୋର୍ଟ ଦେଲେ ସହାୟତା ରାଶି ଘୋଷଣା କରାଯିବ ବୋଲି ସେ କହିଛନ୍ତି । ତେବେ ବାତ୍ୟା ଜୱାଦ ପ୍ରଭାବରେ ଉପକୂଳ ଓଡ଼ିଶାର ଜିଲ୍ଲାଗୁଡିକରେ ପ୍ରବଳ ବର୍ଷା ହୋଇଛି । ଫଳରେ ହେକ୍ଟର ହେକ୍ଟର ଚାଷ ଜମିର ଧାନ ଫସଲ ନଷ୍ଟ ହୋଇଛି । ଫଳରେ ମୁଣ୍ଡରେ ହାତ ଦେଇ ବସିଛି ଚାଷୀ । ତୁରନ୍ତ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉ ଥିବାବେଳେ ଆକଳନ ରିପୋର୍ଟ ଆସିବା ପରେ ସହାୟତା ଦିଆଯିବ ବୋଲି ରାଜସ୍ବ ମନ୍ତ୍ରୀ କହିଛନ୍ତ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
