ଭୁବନେଶ୍ବର: ସଙ୍ଗୀତ ପରିବେଷଣ ଅନୁମତି ନେଇ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ଦେଲେ ବିଭିନ୍ନ କଳାକାରଙ୍କ ସମେତ କଣ୍ଠଶିଳ୍ପୀ । କୋଭିଡ କଟକଣା ଯୋଗୁଁ ରାଜ୍ୟରେ ସମସ୍ତ ସାଂସ୍କୃତିକ କାର୍ଯ୍ୟକ୍ରମ ମାନ ବନ୍ଦ ରହିଥିବାବେଳେ ଏବେ କୋଭିଡ ସ୍ଥିତିରେ ସୁଧାର ଆସିବାରୁ ଧିରେ ଧିରେ ସମସ୍ତ କାର୍ଯ୍ୟକ୍ରମ ମାନ କୋଭିଡ କଟକଣାକୁ ମାନି ଚାଲୁ ରହିବ । ସୂଚନାନୁସାରେ ଓଡିଆ ମ୍ୟୁଜିକ ଆର୍ଟିଷ୍ଟ ୱେଲଫେୟାର ଆସୋସିଏସନ ( ଓମାୱା ) ପକ୍ଷରୁ ସମସ୍ତ କଳାକାର ସଙ୍ଗୀତ କାଯ୍ୟକ୍ରମ ପରିବେଷଣର ଅନୁମତି ପ୍ରଦାନ ଦାବିରେ ମୁଖ୍ୟମନ୍ତ୍ରୀଙ୍କ ସମେତ ଦଳର ସାଙ୍ଗଠନିକ ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଭେଟିଛନ୍ତି ।
ଦୀର୍ଘ 18 ମାସ ଧରି ଓଡିଶାର ସଙ୍ଗୀତ ଜଗତର ମଞ୍ଚ ସଙ୍ଗୀତ କଳାକାରମାନେ ନିଜର ଜୀବିକା ହରାଇବା ଯୋଗୁଁ ଆର୍ଥିକ ଭାରସାମ୍ୟ ହରାଇଛନ୍ତି । ତେବେ ଅର୍ଥାଭାବରୁ କେହି କେହି ନିଜର ବାଦ୍ୟ ଯନ୍ତ୍ର ବିକ୍ରି କରିବାକୁ ବସିଲାଣି ତ ଆଉ କିଛି କଳାକାର ନିଜ ନିଜର ବୃତ୍ତି ପରିବର୍ତ୍ତନ କରି ବିଭିନ୍ନ ବ୍ୟବସାୟ କରୁଥିବା ନେଇ ନଜରକୁ ଆସିଛି । ଆଉ ପ୍ରତିଷ୍ଠିତ କଳାକାରଙ୍କର ଜୀବନ ଜୀବିକା ମଧ୍ୟ ପ୍ରଭାବିତ ହୋଇଛି । ସେପଟେ ଓମାୱା ପକ୍ଷରୁ ଆଗାମୀ ଗଣେଶ ପୂଜାଠାରୁ ମଞ୍ଚ ସଙ୍ଗୀତ କାଯ୍ୟକ୍ରମ ପରିବେଷଣ ନେଇ ଅନୁମତି ପ୍ରଦାନ କରିବାକୁ ଦାବି କରିଛି ସଙ୍ଘ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
