ଭୁବନେଶ୍ବର: ସକାଳୁ ସକାଳୁ ରାଜଧାନୀରେ ଲଘୁଚାପ ବର୍ଷା । ଅଦିନିଆ ବର୍ଷାରେ ବେହାଲ ସ୍ମାର୍ଟସିଟି ଭୁବନେଶ୍ବର । ଆଜି ସକାଳ ପର ଠାରୁ ଭୁବନେଶ୍ବରରେ ବର୍ଷା ଆରମ୍ଭ ହୋଇଯାଇଛି । ଶୀତୁଆ ସକାଳରେ ବର୍ଷାର ପ୍ରଭାବ ପାଗକୁ ଆହୁରି କୋହଲା କରିଛି । ଏହାଯୋଗୁଁ ସାଧାରଣ ଜୀବନଯାତ୍ରା ସାମୟିକ ବ୍ୟାହତ ହୋଇଛି ।
ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଅବପାତ ପ୍ରଭାବରେ ରାଜ୍ୟରେ ସ୍ବଳ୍ପ ବର୍ଷା ହେବାର ସମ୍ଭାବନା ଥିବା ନେଇ ଆକଳନ କରାଯାଇଥିଲା । ଯାହାର ପ୍ରଭାବ ଆଜି ରାଜଧାନୀରେ ଦେଖାଯାଇଛି । ଗୋଟିଏପଟେ ରାତ୍ରି ତାପମାତ୍ରା କମୁଥିବାବେଳେ ଅଦିନିଆ ବର୍ଷା ସାଧାରଣ ଲୋକଙ୍କ ପାଇଁ ନିଶ୍ଚିତ ଅସ୍ବାଭାବିକ ସ୍ଥିତ ସୃଷ୍ଟି କରିବ ବୋଲି କୁହାଯାଉଛି । ସେହିପରି ବର୍ତ୍ତମାନ ଧାନ ଅମଳର ସମୟ ହୋଇଥିବାରୁ ଚାଷୀଙ୍କ ପାଇଁ ଚିନ୍ତାର କାରଣ ହୋଇପାରେ ଏହି ବର୍ଷା ।
ଉଲ୍ଲେଖଯୋଗ୍ୟ, ବଙ୍ଗୋପସାଗରରେ ସୃଷ୍ଟ ଅବପାତ ସକ୍ରିୟ ହୋଇଛି । ଏହା ପ୍ରଭାବରେ ଆଜିଠୁ ୧୫ ତାରିଖ ଯାଏଁ ରାଜ୍ୟରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
