ଭୁବନେଶ୍ବର: ଟଙ୍କା ଭରୁଥିଲା ଯିଏ ଲୁଟୁଥିଲା ସିଏ । ଏଭଳି ଏକ ବଡ ଧରଣର ଏଟିଏମରେ ଲୁଟ ଘଟଣା ସାମ୍ନାକୁ ଆସିଛି ସ୍ମାର୍ଟସିଟିରେ । ତେବେ ଲକ୍ଷେ କି ଦୁଇ ଲକ୍ଷ ନୁହେଁ ଏକା ସାଙ୍ଗରେ ଏକ କୋଟିରୁ ଉର୍ଦ୍ଧ୍ୱ ଟଙ୍କା ହଡପ କରାଯାଇଛି । ସେଥିମଧ୍ୟରୁ ଏଟିଏମରେ ଟଙ୍କା ଭର୍ତ୍ତି କରିବା ଦାୟିତ୍ୱରେ ଥିବା ଜଣେ ଯୁବକ । ସିକ୍ୟୁରିଟି ଗାର୍ଡ ଭାବରେ କାମ କରନ୍ତି ସେ ଏକ କୋଟି 4ଲକ୍ଷ ଟଙ୍କା ହଡପ କରିଛନ୍ତି । ଯୁବକ ଜଣଙ୍କ ହେଲେ ପୁରୀ ଜିଲ୍ଲା ନିମାପଡାର ମୀନକେତନ ବେହେରା ।
ମୀନକେତନ ଗତ ତିନି ବର୍ଷ ଭିତରେ ଏଟିଏମରୁ ଏକ କୋଟି 4ଲକ୍ଷ ଟଙ୍କା ହଡପ କରିଛନ୍ତି । ଆଉ ଧରା ପଡିଯିବା ଭୟରେ ନିଜକୁ ଗୁଳି କରିଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିବାବେଳେ ଏବେ ତାଙ୍କର ଚିକିତ୍ସା ଜାରି ରହିଛି । ତାଙ୍କ ଠାରୁ 4ଟି କାର ଜବତ କରିଛି କମିଶନରେଟ ପୋଲିସ । ଏହା ବ୍ୟତୀତ ସଂସ୍ଥାର ଅନ୍ୟ କର୍ମଚାରୀଙ୍କ ହାତ ରହିଥିବା ସନ୍ଦେହ କରୁଛି ପୋଲିସ ।
ରାଜଧାନୀରେ ଧଉଳି ଥାନା ଲିଙ୍ଗିପୁରରେ ରହିଛି ସିକୋୟର ଭାଲ୍ୟୁ ଅଫ ଇଣ୍ଡିଆ ପ୍ରାଇଭେଟ ଲିମିଟେଡ଼ର ଅଫିସ । ଏହି ସଂସ୍ଥାର କାମ ହେଲା ବିଭିନ୍ନ ସ୍ଥାନରେ ରହିଥିବା ଏଟିଏମରେ ଟଙ୍କା ଭରିବା । ଆଉ ଏଥିପାଇଁ ଦୁଇ ଜଣ ସୁରକ୍ଷାକର୍ମୀଙ୍କ ଆବଶ୍ୟକ ହୋଇଥାଏ । ତେବେ ଜଟଣୀ ଓ ଖୋର୍ଦ୍ଧାର 5ଟି ଏଟିଏମରେ ଟଙ୍କା ଭରୁଥିଲା ମୀନକେତନ ଓ ଗଗନ । 3 ବର୍ଷ ଧରି ଏଟିଏମରୁ ଟଙ୍କା ହଡପ କରୁଥିଲେ । ବିଭିନ୍ନ ଏଟିଏମରେ ଏମାନେ ଟଙ୍କା ରଖି ସରିଲା ପରେ ଏଟିଏମ ର ପାସ ୱାର୍ଡକୁ ଚୋରି କରି ଲୁଟ କରୁଥିଲେ ।
ଏମାନଙ୍କ ଟଙ୍କା ହଡପ ଘଟଣାରେ ଉକ୍ତ ସଂସ୍ଥାର ବରିଷ୍ଠ କର୍ମଚାରୀଙ୍କ ହାତ ରହିଥିବା ସୂଚନା ରହିଛି । ସଂସ୍ଥାର ଅଧିକାରୀଙ୍କ ସହଯୋଗ ଦ୍ୱାରା ମୀନକେତନ ପୂର୍ଣ ମାତ୍ରାରେ ସହଯୋଗ ପାଇବା ସହ ଟଙ୍କାକୁ ଭାଗ କରି ନେଉଥିବା ସୂଚନାମିଳିଛି । ଏହି ଘଟଣାରେ ଆଉ କିଏ କିଏ ସମ୍ପୃକ୍ତ ରହିଛନ୍ତି ସେନେଇ ମଧ୍ୟ ତଦନ୍ତ ଜାରି ରଖିଛି କମିଶନରେଟ ପୋଲିସ ।
ଭୁବନେଶ୍ୱରରୁ ବିକାଶ ଦାସ, ଇଟିଭି ଭାରତ