ଭୁବନେଶ୍ବର: ରାଜଧାନୀରେ ହାଇପ୍ରୋଫାଇଲ ଏଟିଏମ ଲୁଟ । ଇନଫୋସିଟ ଥାନା ପଟିଆ ଷ୍ଟୋସନ ରୋଡ଼ରୁ ହାଇଟେକନିକ ଲୁଟ କରିଛନ୍ତି ଦୁର୍ବୁତ୍ତ । ଗ୍ୟାସ କଟରରେ କାଟି ପଞ୍ଜାବ ନାସନାଲ ବ୍ୟାଙ୍କ ଏଟିଏମରୁ ନେଇଗଲେ ୨୭ ଲକ୍ଷ ୮୪ ହଜାର ୪୦୦ ବୋଲି ସୂଚନା ଦେଇଛନ୍ତି ମେଣ୍ଟନାନସ କର୍ତୃପକ୍ଷ । ତେବେ ଏଟିଏମର ସିସିଟିଭ କାମ କରୁଛି କି ନାହି ତାହା ଜଣାପଡିନଥିବା ବେଳେ, ଶନିବାର ରାତିରୁ ଏଟିଏମ ଲିଙ୍କ ଫେଲ୍ ଜାଣିବା ପରେ ରବିବାର ମେଣ୍ଟନାନସ ଟିମ ପହଁଚି ଜାଣିବାକୁ ପାଇଥିଲେ ଏହି ଲୁଟ ସମ୍ପର୍କରେ ।
ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଁଚି ଆରମ୍ଭ କରିଛି ତନାଘନା । ତେବେ ଗ୍ୟାସ କଟରରେ କାଟି ଜନଗହଳି ସ୍ଥାନରୁ ଏପରି ଲୁଟପାଟ ପୋଲିସକୁ ଏକ ଚ୍ୟାଲେଞ୍ଜ ହୋଇଛି । କିଛିଦିନ ପୁର୍ବରୁ ଅନୁରୁପ ଢ଼ଙ୍ଗରେ ନନ୍ଦନକାନନ ଥାନା ଅଞ୍ଚଳରୁ ମଧ୍ୟ ଏଟିଏମ ତାଡ଼ିଥିଲେ ହେଲେ ଲୁଟପାଟ କରିନଥିଲେ । ଏଭଳି ଘଟଣା ଏବେ ସେହି ଅଞ୍ଚଳର ଏଟିଏମ ସୁରକ୍ଷାକୁ ନେଇ ବଡ଼ ପ୍ରଶ୍ନ ଉଠିଛି ।
ତେବେ ଏହି ଏଟିଏମ ନିକଟରେ କୌଣସି ସିକ୍ୟୁରିଟ ଗାର୍ଡ଼ ନଥିବା ବେଳେ ଗ୍ୟାସ କଟର ଓ ଗ୍ୟାସ ଟାଙ୍କିରେ ଥିବା ଫିଙ୍ଗର ପ୍ରିଣ୍ଟକୁ ନେଇ ୟୁଭି ସ୍କାନର ଜରିଆରେ ଅପରାଧିକୁ ଧରିବା ପାଇଁ ଯୋଜନା ଚଳାଇଛନ୍ତି ପୋଲିସ କର୍ମଚାରୀ । ଛକରେ ଜଗୁଥିବା ପୋଲିସ କେବେ ସହରବାସୀଙ୍କ ସୁରକ୍ଷା ଦିଗରେ ଧ୍ୟାନ ଦେବେ ତାହା ଉପରେ ନଜର ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
