ନୂଆଦିଲ୍ଲୀ: ଅନ୍ତରାଷ୍ଟ୍ରୀୟ ବଜାରରେ ଦୁର୍ବଳ ସଙ୍କେତ ମଧ୍ୟରେ ବୁଧବାର ସ୍ଥାନୀୟ ସରଫରା ବଜାରରେ ସୁନା ଦାମ ହ୍ରାସ ପାଇଛି । ଆଜି 10 ଗ୍ରାମ ସୁନା ଦାମ 640 ଟଙ୍କା କମି 54,269 ଟଙ୍କା ରହିଛି । ଏଚଡିଏଫସି ସିକ୍ଯୁରିଟିଜ ଏ ନେଇ ସୂଚନା ଦେଇଛି ।
ପୂର୍ବ କାରବାରରେ ସୁନା ଦାମ 10 ଗ୍ରାମ ପ୍ରତି 54,909 ଟଙ୍କାରେ ବନ୍ଦ ହୋଇଥିଲା । ସ୍ଥାନୀୟ ବଜାରରେ ରୂପାକୁ ଲାଭଖୋରଙ୍କ ଚାପର ସାମ୍ନା କରିବାକୁ ପଡିଛି । ଫଳରେ ଏହାର ଦାମ ମଧ୍ୟ 3,112 ଟଙ୍କା ଖସି କିଲୋ ପ୍ରତି 69,450 ଟଙ୍କାରେ ବନ୍ଦ ହୋଇଛି ।
ପୂର୍ବ କାରବାରରେ ରୂପା କିଲୋ ପିଛା 72,562 ଟଙ୍କାରେ ବନ୍ଦ ହୋଇଥିଲା ।
ବୈଶ୍ବିକ ବଜାରରେ ସୁନା ଦାମ ଦୁର୍ବଳ ଯୋଗୁଁ ଆଉନ୍ସ ପିଛା 1,988 ଡଲାର ରହିଛି । ଯେତେବେଳେ କି ରୂପା ଦାମ ଆଉନ୍ସ ପ୍ରତି 27.43 ଡଲାରରେ ଅପରିବର୍ତ୍ତିତ ରହିଛି ।
ଏଚଡିଏଫସି ସିକ୍ୟୁରିଟଜର ବରିଷ୍ଠ ବିଶ୍ଲେଷକ ତମନ ପଟେଲ କହିଛନ୍ତି କି, ‘‘ ଆମେରିକୀୟ ଫେଡରାଲ ନିଜ ମାର୍କେଟ କମେଟି ବୈଠକ ବିବରଣୀକୁ ଜାରି କରିବା ପୂର୍ବରୁ ବୁଧବାର ଡଲାର ସୂଚକାଙ୍କରେ ସୁଧାର ଦେଖିବାକୁ ମିଳିଛି । ଫଳରେ ସୁନାର ଲାଭ ସାମାନ୍ୟ କମିଛି ।
