ନୂଆଦିଲ୍ଲୀ: ଜୁଲାଇ ପହିଲାରୁ କେନ୍ଦ୍ର ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୨୮ ପ୍ରତିଶତ ବୃଦ୍ଧି କରିଛି କେନ୍ଦ୍ର କ୍ୟାବିନେଟ । ବୁଧବାର ଅର୍ଥ ମନ୍ତ୍ରଣାଳୟ ଏହି ନିଷ୍ପତ୍ତି କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଛି ।
କେନ୍ଦ୍ର ମନ୍ତ୍ରୀମଣ୍ଡଳ କେନ୍ଦ୍ର କର୍ମଚାରୀଙ୍କ ପାଇଁ ମହଙ୍ଗା ଭତ୍ତା ୧୧ ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ନେଇଥିଲା । ଯଦ୍ବାରା DA ୧୭ ପ୍ରତିଶତରୁ ବୃଦ୍ଧି ପାଇ ୨୮ ପ୍ରତିଶତ ହୋଇଯିବ । ଏଥିରେ କେନ୍ଦ୍ର ସରକାରଙ୍କ ପ୍ରାୟ ୪୮ ଲକ୍ଷ କର୍ମଚାରୀ ତଥା ୬୫ ଲକ୍ଷ ପେନସନଭୋଗୀ ଉପକୃତ ହେବେ ।
ଅର୍ଥ ମନ୍ତ୍ରଣାଳୟ ଅଧୀନସ୍ଥ ବ୍ୟୟ ବିଭାଗ କାର୍ଯ୍ୟାଳୟ ଏକ ସ୍ମାରକପତ୍ର ଜରିଆରେ କହିଛି କି, ଜୁଲାଇ ପହିଲାରୁ କର୍ମଚାରୀଙ୍କୁ ଦିଆଯାଉଥିବା ମହଙ୍ଗା ଭତ୍ତା ହାର ୧୭ ପ୍ରତିଶତରୁ ୨୮ ପ୍ରତିଶତ କରାଯିବ । ଏହି ବୃଦ୍ଧିରେ ୨୦୨୦ ଜାନୁୟାରୀ ୧, ୨ ଜୁଲାଇ ୨୦୨୦ ଏବଂ ୨୦୨୧ ଜାନୁୟାରୀ ୧ରୁ ମିଳିବାକୁ ଥିବା ଅତିରିକ୍ତ କିସ୍ତି ମଧ୍ୟ ଅନ୍ତର୍ଭୁକ୍ତ ହେବ ।
@PTI
