ନୂଆଦିଲ୍ଲୀ: ଫେବୃଆରୀରେ ଆଗତ ହେବ 2020-21 ବଜେଟ । ଅଭିବୃଦ୍ଧି ବଢାଇବା ପାଇଁ ଏଥର ବଜେଟରୁ ଅଧିକ ଆଶା ରହିଛି । ବିଶେଷ କରି ଆୟକର ଉପରେ ରହିଛି ଫୋକସ । ‘ଇଟିଭି ଭାରତ’କୁ କେନ୍ଦ୍ର ରାଷ୍ଟ୍ର ଅର୍ଥ ମନ୍ତ୍ରୀ ଅନୁରାଗ ଠାକୁର ସ୍ବତନ୍ତ୍ର ସାକ୍ଷାତକାର ଦେଇ ଏହା କହିଛନ୍ତି ।
ହିମାଞ୍ଚଳ ପ୍ରଦେଶ ଗସ୍ତ ବେଳେ ଅନୁରାଗ ଠାକୁରଙ୍କୁ ଆମେ ପଚରିଥିଲୁ କି, ଆଗାମୀ ବଜେଟରେ ଆୟକର ରିହାତି ଉପରେ କିଛି ସମ୍ଭାବନା ରହିଛି କି ? ହେଲେ ବଜେଟକୁ ଅପେକ୍ଷା କରିବାକୁ ଜଣାଇଛନ୍ତି ଅନୁରାଗ ।
ଆଗକୁ ଠାକୁର କହିଛନ୍ତି ଯେ, ନରେନ୍ଦ୍ର ମୋଦି ସରକାର ହିଁ ଯିଏ ବ୍ୟକ୍ତିଗତ କରଦାତା ଓ କର୍ପୋରେଟ ଜଗତରେ ଟ୍ୟାକ୍ସ ଆଶ୍ବସ୍ତି ଦେବାକୁ କାମ କରିଛନ୍ତି । 5 ଲକ୍ଷ ପର୍ଯ୍ୟନ୍ତ ଟିକସ ରିହାତି ହେଉ ଅବା କର୍ପୋରେଟ ଟିକସକୁ 30ରୁ ହ୍ରାସ କରି 22 କରିବା, ସବୁ କ୍ଷେତ୍ରରେ ମୋଦି ସରକାର ଜନତାଙ୍କ ହିତ ପାଇଁ କାମ କରୁଛନ୍ତି ବୋଲି କହିଛନ୍ତି ଠାକୁର ।
ଏଥିସହ ଟଙ୍କାର ବିନିମୟ ମୁଲ୍ୟ ହ୍ରାସ ପ୍ରଶ୍ନର ଉତ୍ତରରେ ଠାକୁର କହିଲେ ଯେ, ବିଶ୍ବ ଅର୍ଥବ୍ୟବସ୍ଥାର ପ୍ରଭାବ ଭାରତରେ ମଧ୍ୟ ଦେଖିବାକୁ ମିଳୁଛି । ତେବେ ନିକଟରେ ସରକାର ଗ୍ରହଣ କରିଥିବା ପଦକ୍ଷେପ ଅଧିନ ନିବେଶ ଆଣିବ, ରୋଜଗାର ସୃଷ୍ଟି କରିବା ସହ 5 ବର୍ଷରେ 5 ଟ୍ରିଲିଅନ ଡଲାର ଅର୍ଥନୀତି ଲକ୍ଷ୍ୟ ପୂରଣ କରିବ ବୋଲି ସେ କହିଛନ୍ତି ।
