ବିଜନେସ ଡେସ୍କ, ଇଟିଭି ଭାରତ: ଆଡ଼ଜଷ୍ଟେଡ଼ ଗ୍ରାସ ରେଭିନ୍ୟୁ (ଏଜିଆର) ବକେୟା ପୈଠ ପାଇଁ ଟେଲିକମ କମ୍ପାନୀଙ୍କୁ 10 ବର୍ଷ ମହଲତ ଦେବାକୁ ଅନୁମତି ଦେଇଛି ସୁପ୍ରିମେକାର୍ଟ । ସଙ୍କଟଗ୍ରସ୍ତ ଟେଲିକମ କମ୍ପାନୀଙ୍କୁ ଏହି ଖବର ବହୁତ ରିଲିଫ ପ୍ରଦାନ କରିଛି ।
ଏହି ନିଷ୍ପତ୍ତି ଦ୍ବାରା ବିଶେଷ କରି ଋଣରେ ବୁଡି ରହିଥିବା ଭୋଡାଫୋନ ଆଇଡିଆ ଲିମିଟେଡକୁ ଫାଇଦା ମିଳିବ । ପୂର୍ବରୁ କମ୍ପାନୀ କହିରଖିଥିଲା କି, ଯଦି ପୂରା ବକେୟା ଏକା ସାଙ୍ଗରେ ଦେବା ପାଇଁ ଆଦେଶ ଦିଆଯାଏ , ତେବେ ଏହା ଭାରତରେ ପରିଚାଳନା ବନ୍ଦ ରଖିବ ।
ତେବେ ମଙ୍ଗଳବାର ସର୍ବୋଚ୍ଚ ନ୍ୟାୟଳୟଙ୍କ ନିଷ୍ପତ୍ତି ଟେଲିକମ କମ୍ପାନୀ ମୁଣ୍ଡରେ ଝୁଲୁଥିବା ଖଣ୍ଡା ଭଳି ବହୁ ଦିନର ଲମ୍ଭା ବିବାଦର ଅନ୍ତ ହୋଇଛି । ତେବେ ନଜର ପକାନ୍ତୁ ସେହି ପ୍ରମୁଖ ଘଟଣା , ଯାହା ଏହି ନିଷ୍ପତ୍ତିର ମୁଖସାକ୍ଷୀ ...
1994: ନ୍ୟାସନାଲ ଟେଲିକମ ପଲିସି, 1994 ଅନୁଯାୟୀ ଟେଲିକମ୍ କ୍ଷେତ୍ରକୁ ଉଦ୍ଧାର କରାଯାଇଥିଲା, ଯାହା ପରେ ଏକ ନିର୍ଦ୍ଦିଷ୍ଟ ଲାଇସେନ୍ସ ଦେୟ ବଦଳରେ କମ୍ପାନୀଗୁଡିକୁ ଲାଇସେନ୍ସ ପ୍ରଦାନ କରାଯାଇଥିଲା।
1999: ସ୍ଥିର ନିର୍ଦ୍ଧାରିତ ଲାଇସେନ୍ସ ଫିରୁ ଆଶ୍ବସ୍ତ କରିବାକୁ, 1999 ରେ ଟେଲିକମ ବିଭାଗ (DOT) ଲାଇସେନ୍ସ ଦାତାମାନଙ୍କୁ ରାଜସ୍ୱ ବଣ୍ଟନ ଫି ମଡେଲକୁ ସ୍ଥାନାନ୍ତର କରିବାର ବିକଳ୍ପ ଦେଇଥିଲା ।
ଏହା ଅଧୀନରେ ମୋବାଇଲ ଟେଲିଫୋନ ଅପରେଟରଙ୍କୁ 1999 ଅଗଷ୍ଟ 1 ରୁ ଲାଗୁ ବାର୍ଷିକ ଲାଇସେନ୍ସ ଶୁଳ୍କ (LF) ଏବଂ ସ୍ପେକ୍ଟ୍ରମ୍ ବ୍ୟବହାର ଚାର୍ଜ (SUC) ସରକାରଙ୍କ ସହ ନିଜର ଆଡଜଷ୍ଟମେଣ୍ଟ ଗ୍ରସ ରେଭିନ୍ୟୁ (AGR)ର ଏକ ନିର୍ଦ୍ଦିଷ୍ଟ ଶତକଡ଼ା ସେୟାର କରିବା ଆବଶ୍ୟକ ଥିଲା ।
DOT ଏବଂ ଟେଲିକମ୍ ସଂସ୍ଥାଗୁଡ଼ିକ ମଧ୍ୟରେ ହୋଇଥିବା ଚୁକ୍ତିନାମାକୁ ଆଧାର କରି LF ଏବଂ SUC କୁ ଯଥାକ୍ରମେ ଏଜିଆରର 8% ଏବଂ 3-5% ସ୍ଥିର କରାଯାଇଥିଲା ।
2003: ଟେଲିକମ ଅପରେଟରମାନେ AGR ର ସଂଜ୍ଞାକୁ ଚ୍ୟାଲେଞ୍ଜ କରି ଟେଲିକମ ବିଭାଗ ବିରୋଧରେ ମାମଲା ରୁଜୁ କଲେ । ଟେଲି କମ୍ୟୁନିକେସନ ବିଭାଗ ଯୁକ୍ତି ଦର୍ଶାଇଥିଲା ଯେ, AGRରେ ଉଭୟ ଟେଲି ଯୋଗାଯୋଗ ଏବଂ ଅଣ ଟେଲିକମ ସେବାର ସମସ୍ତ ରାଜସ୍ୱ (ଛାଡ଼ ପୂର୍ବରୁ) ସାମିଲ ଅଛି ।
ଏପଟେ କମ୍ପାନୀଗୁଡିକ ଦାବି କରିଥିଲେ କି , AGRରେ ମୂଳ ସେବାରୁ ପ୍ରାପ୍ତ ରାଜସ୍ୱ ଅନ୍ତର୍ଭୂକ୍ତ କରିବା ଉଚିତ, ନା କି..କୌଣସି ନିବେଶ କିମ୍ବା ଅସ୍ଥାବର ସମ୍ପତ୍ତି ବିକ୍ରୟ ଉପରେ ଲାଭ , ସୁଧ ଆୟ ବା ପ୍ରଫିଟ ।
2005: ସେଲୁଲାର ଅପରେଟର୍ସ ଆସୋସିଏସନ୍ ଅଫ୍ ଇଣ୍ଡିଆ (COAI) AGR ଗଣନା ପାଇଁ ସରକାରଙ୍କ ସଂଜ୍ଞାକୁ ଚ୍ୟାଲେଞ୍ଜ କଲା ।
2006: ଟିଡିସେଟ ବିବେଚନା କଲା ଯେ ଲାଇସେନ୍ସ ଫି କେବଳ ରାଜସ୍ୱର ଏକ ଅଂଶ ଭାବରେ ଗଣାଯିବ ଯାହା ଟେଲିକମ ଲାଇସେନ୍ସ ସହିତ ଜଡିତ ଥିଲା । ଅନ୍ୟାନ୍ୟ କାର୍ଯ୍ୟକଳାପ ଲାଭ ଏଥିରେ ସାମିଲ ହେବ ନାହିଁ । ଟେଲିକମ ଏବଂ ଅଣ ଟେଲିକମ୍ କାର୍ଯ୍ୟକଳାପର ସଂଜ୍ଞା ଉପରେ ଟିଡିସେଟ ଟେଲିକମ ରେଗୁଲେଟୋରୀ ଅଥରିଟି ଅଫ ଇଣ୍ଡିଆ (TRAI) ର ସୁପାରିଶ ମଧ୍ୟ ମାଗିଥିଲା ।
2007: DOT ସୁପ୍ରିମକୋର୍ଟରେ ଟିଡିସେଟ ଅଧିକାର କ୍ଷେତ୍ରକୁ ଚ୍ୟାଲେଞ୍ଜ କଲା । ସର୍ବୋଚ୍ଚ ଅଦାଲତ DoT ର ଆବେଦନକୁ ପ୍ରତ୍ୟାଖ୍ୟାନ କରି ଟିଡିସେଟ ପୂର୍ବରୁ ନିଜ ସାମଗ୍ରୀ ସଂଗ୍ରହ କରିବାକୁ ନିର୍ଦ୍ଦେଶ ଦେଇଥିଲେ । ଏହି ମଧ୍ୟରେ, ଟିଡିସେଟ 2006 ରେ TRAI ର ଅଧିକାଂଶ ସୁପାରିଶକୁ ଗ୍ରହଣ କଲା ଏବଂ ସେହି ଅନୁଯାୟୀ ଏକ ଆଦେଶ ପାସ କଲା ।
ସେହି ବର୍ଷ ପୁଣି ଡିଓଟି ଟିଡିସେଟର ନୂଆ ଆଦେଶ ବିରୋଧରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହେଲା ।
2011: ସୁପ୍ରିମକୋର୍ଟ କହିଲେ କି ଟିଡିସେଟ ର 2007 ଆଦେଶକୁ ଅଲଗା ରଖିବା ଉଚିତ । ତଥାପି, କୁହାଯାଇଛି ଯେ କମ୍ପାନୀଗୁଡିକ ଟିଡିସେଟ ସମ୍ମୁଖରେ ବ୍ୟକ୍ତିଗତ ଭାବରେ DoT ଦ୍ୱାରା କରାଯାଇଥିବା ଯେକୌଣସି ଡିମାଣ୍ଡକୁ ଚ୍ୟାଲେଞ୍ଜ କରିପାରିବେ |
ସମସ୍ତ ଟେଲିକମ୍ କମ୍ପାନୀଗୁଡିକ DOT ର ଲାଇସେନ୍ସ ଫି ଦାବିକୁ ଚ୍ୟାଲେଞ୍ଜ କଲେ ।
2015: ଟିଡିସେଟ ଡିଓଟିର ଦାବିଗୁଡିକୁ ଅଲଗା କରି ଟେଲିକମ କମ୍ପାନୀ ସପକ୍ଷରେ ମାମଲା ସ୍ଥଗିତ ରଖିଲା । ଟିଡିସେଟ TDSAT (ଟେଲିକମ୍ ବିବାଦ ସମାଧାନ ଏବଂ ଆପିଲ୍ ଟ୍ରିବ୍ୟୁନାଲ୍) ଟେଲିକମ କମ୍ପାନୀ ସପକ୍ଷରେ ମାମଲା ରଖିଲା ଏବଂ ଏଜିଆରରେ ପୁଞ୍ଜି ପ୍ରାପ୍ତି ଏବଂ ଅଣ-ମୂଳ ଉତ୍ସରୁ ଭଡା, ଅସ୍ଥାବର ସମ୍ପତ୍ତି ବିକ୍ରିରେ ଲାଭ, ଲାଭାଂଶ ବ୍ୟତୀତ ଅନ୍ୟ ସମସ୍ତ ପ୍ରାପ୍ତିକ ରଖିଲା ।
2019: TDSAT ଆଦେଶ ବିରୋଧରେ DOT ସୁପ୍ରିମକୋର୍ଟକୁ ଜଣାଇଲା । ସେହି ବର୍ଷ ପରେ, ଟେଲିକମ କମ୍ପାନୀଗୁଡିକ ପାଇଁ ଏକ ବଡ ଝଟକା , ସର୍ବୋଚ୍ଚ ଅଦାଲତ TDSAT ଆଦେଶକୁ ପୃଥକ କରି DOT ଦ୍ବାରା ଧାର୍ଯ୍ୟ ହୋଇଥିବା AGR ର ସଂଜ୍ଞାକୁ ସମର୍ଥନ କଲେ ।
2020: ଜାନୁଆରୀରେ ସୁପ୍ରିମକୋର୍ଟ ଟେଲିକମ୍ କମ୍ପାନୀଗୁଡିକୁ 23 ଜାନୁୟାରୀ ସୁଦ୍ଧା ସରକାରଙ୍କୁ 92,000 କୋଟି ଟଙ୍କା ଦେବାକୁ ନିର୍ଦ୍ଦେଶ ଦେଲେ। କିଛି ଦିନ ପରେ ଭାରତୀ ଏୟାରଟେଲ ଏବଂ ଭୋଡାଫୋନ୍ ଆଇଡିଆ ଦେୟ ପୈଠ ଅବଧି ବଢାଇବାକୁ କରିବାକୁ ସୁପ୍ରିମକୋର୍ଟଙ୍କୁ ଅନୁରୋଧ କଲେ ।
ଫେବୃଆରୀ 2020: ସୁପ୍ରିମକୋର୍ଟ 1.47 ଲକ୍ଷ କୋଟି ଟଙ୍କାର AGR ବକେୟା ପେମେଣ୍ଟ ପ୍ରଦାନ କରିନଥିବା ଉପରେ ଉଭୟ ଟେଲିକମ୍ କମ୍ପାନୀ ଏବଂ ଟେଲିକମ୍ ବିଭାଗ (DoT) କୁ ତାଗିଦ କରିଥିଲେ ।
ଜଷ୍ଟିସ୍ ଅରୁଣ ମିଶ୍ରଙ୍କ ନେତୃତ୍ୱରେ ଏକ ତିନିଜଣିଆ ଖଣ୍ଡପୀଠ କମ୍ପାନୀର ପରିଚାଳନା ନିର୍ଦ୍ଦେଶକଙ୍କୁ ଏକ କାରଣ ଦର୍ଶାଅ ନୋଟିସ ଜାରି କରି ପଚାରିଥିଲେ କି , ସେମାନଙ୍କ ବିରୋଧରେ ଅବମାନନା ପ୍ରକ୍ରିୟା ଆରମ୍ଭ କରାଯିବ କି ..
ଏହା ମଧ୍ୟ ଟେଲିକମ୍ ବିଭାଗର ଜଣେ ଅଧିକାରୀଙ୍କ ବିରୋଧରେ ଅବମାନନା ପ୍ରକ୍ରିୟା ଚାଲିଥିଲା ।
ମାର୍ଚ୍ଚ 2020: ଟେଲିକମ୍ କମ୍ପାନୀଗୁଡିକ ଆଂଶିକ ଭାବରେ ସେମାନଙ୍କର AGR ଦେୟ ଦେବା ଆରମ୍ଭ କଲେ । ଅବଶ୍ୟ, ଭୋଡାଫୋନ, ଭାରତୀ ଏୟାରଟେଲ ଏବଂ ଟାଟା ଟେଲିନାର ନିଜର AGI ଦେୟର ସ୍ବ-ମୂଲ୍ୟାଙ୍କନ କରିଥିଲେ , ଯାହା DOT ଗଣନାଠାରୁ ବହୁତ କମ ଥିଲା ।
ମାର୍ଚ୍ଚ 18 ର ଶୁଣାଣିରେ ସର୍ବୋଚ୍ଚ ନ୍ୟାୟାଳୟ କହିଥିଲେ ଯେ AGR ଦେୟ ଉପରେ କୌଣସି ସ୍ବ-ମୂଲ୍ୟାଙ୍କନ କରାଯାଇପାରିବ ନାହିଁ।
ଜୁନ 2020: ବକେୟା ଦେୟ ପାଇଁ 20 ବର୍ଷର ସମୟସୀମା ଶୁଣାଣୀ କରି ସର୍ବୋଚ୍ଚ ନ୍ୟାୟାଳୟ ଟେଲିକମ ସେବା ପ୍ରଦାନକାରୀଙ୍କୁ ରାଜସ୍ୱ ବିବରଣୀ ଓ କାର୍ଯ୍ୟ ଯୋଜନା ପ୍ରସ୍ତୁତ କରିବା ନିର୍ଦ୍ଦେଶ ଦେଇ କହିଥିଲେ କି AGR ବକେୟା କେସ ଶୀଘ୍ର ସମାଧାନ କର ।
ଅଗଷ୍ଟ 2020: ଟେଲିକମ କମ୍ପାନୀଙ୍କ ଦ୍ବାରା AGR ଦେୟ ପ୍ରଦାନ ପାଇଁ 20 ବର୍ଷର ସମୟସୀମା ଉପରେ ସର୍ବୋଚ୍ଚ ନ୍ୟାୟାଳୟ ନିଜ ରାୟ ସଂରକ୍ଷଣ ରଖିଥିଲେ। ଶୁଣାଣି ସମୟରେ କୁହାଯାଇଥିଲା ଯେ, ଯଦି ଟେଲିକମ କମ୍ପାନୀଗୁଡିକ ପେମେଣ୍ଟ ଦେବାକୁ ପ୍ରସ୍ତୁତ ନୁହଁନ୍ତି, ତେବେ ଏହା ସ୍ପେକ୍ଟ୍ରମ୍ ଆବଣ୍ଟନକୁ ବାତିଲ କରିବ।
