ଗାନ୍ଧୀନଗର: ରାହୁଲ ଗାନ୍ଧୀଙ୍କୁ ସୁରଟ ଶେସନ କୋର୍ଟରୁ ସାମାନ୍ୟ ଆଶ୍ବସ୍ତି ମିଳିଛି । ଆଜି ସୁରଟ ଶେସନ କୋର୍ଟରେ ରାହୁଲ ଗାନ୍ଧୀ ହାଜର ହୋଇଥିଲେ । ଆଜି(ସୋମବାର) ଶୁଣାଣିରେ ରାହୁଲଙ୍କୁ ଚଳିତ ମାସ 13 ତାରିଖ ପର୍ଯ୍ୟନ୍ତ ନିୟମିତ ବେଲ୍ ପ୍ରଦାନ କରିଛନ୍ତି କୋର୍ଟ । ମେ’ 3ରେ ରାହୁଲଙ୍କ ଦୋଷୀ ସାବ୍ୟସ୍ତ ଚ୍ୟାଲେଞ୍ଜ ପିଟିସନ ଉପରେ ଶୁଣାଣି ହେବା ନେଇ କୋର୍ଟ ତାରିଖ ଧାର୍ଯ୍ୟ କରିଛନ୍ତି ।
-
Hearing in the case challenging Congress leader Rahul Gandhi's conviction in a defamation case will next be held on May 3 in Surat Court pic.twitter.com/PPQNr4moxH
— ANI (@ANI) April 3, 2023 " class="align-text-top noRightClick twitterSection" data="
">Hearing in the case challenging Congress leader Rahul Gandhi's conviction in a defamation case will next be held on May 3 in Surat Court pic.twitter.com/PPQNr4moxH
— ANI (@ANI) April 3, 2023Hearing in the case challenging Congress leader Rahul Gandhi's conviction in a defamation case will next be held on May 3 in Surat Court pic.twitter.com/PPQNr4moxH
— ANI (@ANI) April 3, 2023
ଆଜି ମଧ୍ୟାହ୍ନରେ ରାହୁଲ ଗାନ୍ଧୀ ସୁରଟ ଶେସନ କୋର୍ଟରେ ପହଞ୍ଚିଥିଲେ । ସାଙ୍ଗରେ ଭଉଣୀ ତଥା ଦଳର ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଓ ଅନ୍ୟ କିଛି ବରିଷ୍ଠ ଦଳୀୟ ନେତା ମଧ୍ୟ ଥିଲେ । କୋର୍ଟରୁ ରାହୁଲଙ୍କୁ ସାମାନ୍ୟ ଆଶ୍ବସ୍ତି ମିଳିଛି । ପୂର୍ବର ରାହୁଲଙ୍କୁ ସୁରଟ ମାଜିଷ୍ଟ୍ରେଟ କୋର୍ଟ ଦୋଷୀ ସାବ୍ୟସ୍ତ କରିବା ପରେ 30 ଦିନ ପାଇଁ ଅନ୍ତରୀଣ ବେଲ ମଧ୍ୟ ପ୍ରଦାନ କରିଥଲେ । ଆଜି ତାଙ୍କୁ ଉପର କୋର୍ଟରୁ ନିୟମିତ ବେଲ ମିଳିଛି ।
-
Defamation case | Surat Sessions Court extends Rahul Gandhi's bail till April 13, the next date of hearing in the case pic.twitter.com/Orvny11Wpl
— ANI (@ANI) April 3, 2023 " class="align-text-top noRightClick twitterSection" data="
">Defamation case | Surat Sessions Court extends Rahul Gandhi's bail till April 13, the next date of hearing in the case pic.twitter.com/Orvny11Wpl
— ANI (@ANI) April 3, 2023Defamation case | Surat Sessions Court extends Rahul Gandhi's bail till April 13, the next date of hearing in the case pic.twitter.com/Orvny11Wpl
— ANI (@ANI) April 3, 2023
ଆଜି ରାହୁଲ ଗାନ୍ଧୀଙ୍କ ସହ 3 କଂଗ୍ରେସ ଶାସିତ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ସାମିଲ ସୁରଟ ଗସ୍ତ କରିଥିଲେ । ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହେଲୋଟ, ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁକୁ, ଛତିଶଗତ ମୁଖ୍ୟମନ୍ତ୍ରୀ ଭୂପେଶ ବଘେଲ, ଦଳର ବରିଷ୍ଠ ନେତା ଦିଗବିଜୟ ସିଂ ପ୍ରମୁଖ ମଧ୍ୟ ଉପସ୍ଥିତ ଥିଲେ । ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା 13 ତାରିଖରେ ହେବାକୁ ଥିବା ବେଳେ ରାହୁଲ ପୁଣି ଥରେ ସୁରଟ ଆସିପାରନ୍ତି । ନହେଲେ ସେ ନିଜ ଓକିଲଙ୍କ ଜରିଆରେ ମଧ୍ୟ କୋର୍ଟରେ ପକ୍ଷ ରଖିପାରିବେ ।
ଗତମାସ(ମାର୍ଚ୍ଚ) 23ରେ ମାନହାନୀ ମାମଲାରେ ସୁରଟ ମାଜିଷ୍ଟ୍ରେଟ କୋର୍ଟ ରାହୁଲଙ୍କୁ ଦୋଷୀ ସାବ୍ୟସ୍ତ କରିବା ସହ 2 ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ । ହେଲେ ଦଣ୍ଡାଦେଶ ପରେ ରାହୁଲଙ୍କୁ ତୁରନ୍ତ 30 ଦିନିଆ ପର୍ଯ୍ୟନ୍ତ ଅନ୍ତରୀଣ ଜାମିନ ମଧ୍ୟ ପ୍ରଦାନ କରିଥିଲେ କୋର୍ଟ । ଆଜି ସେ ଶେସନ କୋର୍ଟରେ ହାଜର ହୋଇ 13 ଏପ୍ରିଲ ପର୍ଯ୍ୟନ୍ତ ନିୟମିତ ବେଲ୍ ପାଇଛନ୍ତି ।
2019 ସାଧାରଣ ନିର୍ବାଚନରେ କର୍ଣ୍ଣାଟକରେ ଏକ ଜନସଭାକୁ ସମ୍ବୋଧିତ କରୁଥିବା ବେଳେ ରାହୁଲ ଏହି ସମାଲୋଚନାମୂଳକ ମନ୍ତବ୍ୟ ଦେଇ ଫସିଥିଲେ । ତାଙ୍କ ବିରୋଧରେ ମାନହାନୀ ମକଦ୍ଦମା ହୋଇଥିଲା । ଘଟଣାର 4 ବର୍ଷ ପରେ ରାହୁଲଙ୍କୁ ଦୁଇଟି ଦଫାରେ ସୁରଟ ଜିଲ୍ଲା କୋର୍ଟ 2 ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ । ଦୋଷୀ ସାବ୍ୟସ୍ତ ହେବା ପରେ ତାଙ୍କର ସାଂସଦ ପଦକୁ ମଧ୍ୟ ରଦ୍ଦ କରି ଦିଆଯାଇଛି । ଆଜି ସେ କୋର୍ଟରୁ ନିୟମିତ ବେଲ ପାଇଥିଲେ ସୁଦ୍ଧା ତାହା ତାଙ୍କର ସଭ୍ୟପଦ ରଦ୍ଦ ଉପରେ କୌଣସି ପ୍ରଭାବ ପକାଇବ ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
