ନୂଆଦିଲ୍ଲୀ: ବାତ୍ୟା ୟସରେ ପ୍ରଭାବିତ ଲୋକଙ୍କୁ ସାହାଯ୍ୟ ପାଇଁ ଦଳୀୟ କର୍ମୀଙ୍କୁ ନିବେଦନ କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ବାତ୍ୟା ୟସର ଗତିକୁ ନେଇ ସେ ସମସ୍ତଙ୍କୁ ସତର୍କ ଅବଲମ୍ବନ କରିବାକୁ ଅନୁରୋଧ କରିଛନ୍ତି ।
ଏନେଇ ରାହୁଲ ଗାନ୍ଧୀ ଟ୍ବିଟ କରି କହିଛନ୍ତି ଯେ ବାତ୍ୟା ୟସ ପଶ୍ଚିମବଙ୍ଗ ଓ ଓଡିଶା ଆଡକୁ ଗତି କରୁଛି । ମୁଁ ପ୍ରଭାବିତ ଲୋକଙ୍କୁ ସୁରକ୍ଷା ଯୋଗାଇ ଦେବା ପାଇଁ କଂଗ୍ରେସ କର୍ମୀଙ୍କୁ ନିବେଦନ କରୁଛି । ସମସ୍ତେ ଏଥିପାଇଁ ସତର୍କ ରୁହନ୍ତୁ ।
ତେବେ ବାତ୍ୟାର ପ୍ରଭାବରେ ଓଡିଶାର ଅଧିକ ଜିଲ୍ଲାରେ ବର୍ଷା ପବନ ଆରମ୍ଭ ହୋଇଯାଇଛି । ବାତ୍ୟା ୟସକୁ ଦୃଷ୍ଟିରେ ରଖି ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ଥିବା ବେଳେ ସମସ୍ତଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
