ନୂଆଦିଲ୍ଲୀ: ଗତକାଲି ଅପେକ୍ଷା ଦିଲ୍ଲୀର ବାୟୁ ଗୁଣବତ୍ତାରେ ସାମାନ୍ୟ ସୁଧାର ଆସିଛି। ଏୟାର କ୍ୱାଲିଟି ଏବଂ ପାଣିପାଗ ପୂର୍ବାନୁମାନ ଏବଂ ଅନୁସନ୍ଧାନ (SAFAR) ପକ୍ଷରୁ ଏହି ସୂଚନା ମିଳିଛି । NCT ରେ ବାୟୁ ଗୁଣବତ୍ତା ସୂଚକାଙ୍କ 386 ପଏଣ୍ଟରେ ଥିବାବେଳେ କେବଳ ଦିଲ୍ଲୀ ବାୟୁ ମଣ୍ଡଳରେ ସାମାନ୍ୟ ସୁଧାର ପରିଲିକ୍ଷିତ ହୋଇଛି । ଯାହା ଏକ ସକରାତ୍ମକ ସଙ୍କେତ ବୋଲି କହିଛନ୍ତି ପାଣିପାଗ ବିଶେଷଜ୍ଞ ।
ବିଶେଷଜ୍ଞଙ୍କ କହିବା ଅନୁସାରେ, ଗୋଟିଏ ଦିନରେ ବାୟୁର ମାନରେ ହଠାତ ସୁଧାର ଆସିବ ନାହିଁ । ତେବେ ପବନର ବେଗ ବଢିବା ସହ ଏହି ମାନକରେ ସୁଧାର ଆସିବା ନେଇ ଆଶା କରାଯାଉଛି । ସେହିପରି ବର୍ତ୍ତମାନର ସଙ୍କଟକୁ ନେଇ ଚିନ୍ତା ପ୍ରକଟ କରିଛନ୍ତି ବିଶେଷଜ୍ଞ । ଏପରି ସ୍ଥିତି ଲାଗିରହିଲେ ଶ୍ବାସକ୍ରିୟାଜନିତ ସମସ୍ୟା ଓ ଫୁସଫୁସକୁ ସଂକ୍ରମିତ କଲା ଭଳି ରୋଗ ବ୍ୟାପିବା ଆରମ୍ଭ ହୋଇପାରେ । ସେହିପରି ବର୍ତ୍ତମାନ ସ୍ଥିତିରେ କୋଭିଡ ଆକ୍ରାନ୍ତ ଓ ସୁସ୍ଥ ହୋଇ ଫେରିଥିବା ରୋଗୀ ସର୍ବାଧିକ ଅସୁରକ୍ଷିତ ବୋଲି ମତ ଦେଇଛନ୍ତି ଇଣ୍ଟରଭେନସନାଲ ପୁଲମୋନୋଲୋଜିଷ୍ଟର ବରିଷ୍ଠ କନସଲଟାଣ୍ଟ ଡ.ଅଜୈୱାଲ ପାରାଖ ।
ସେହିପରି ଦିଲ୍ଲୀରେ ଧୁଆଁକୁ ହ୍ରାସ କରିବା ପାଇଁ ଏକ ପ୍ରକାର ମେସିନର ବ୍ୟବହାର ମଧ୍ୟ ଆରମ୍ଭ ହୋଇଛି । ଯାହାର ବ୍ୟବହାର ଫଳରେ ପ୍ରଦୂଷଣ ସ୍ତରରେ 50-70% ଉନ୍ନତି ଆସିଥିବା ରେକର୍ଡ କରାଯାଇଛି । ଏହି ମେସିନର କାର୍ଯ୍ୟକ୍ଷମତା ଅବଧି ୨୪ ଘଣ୍ଟା ହୋଇଥିବା ବେଳେ ଗରମ କାରଣରୁ ପ୍ରାୟ 3-4 ଘଣ୍ଟା ବନ୍ଦ କରିବାକୁ ପଡୁଥିବା ଜଣେ ଅପରେଟର କହିଛନ୍ତି ।
@ANI
