ନୂଆଦିଲ୍ଲୀ: ରୋହିଣୀ କୋର୍ଟ ଆଗରେ ପୁଣି ଫୁଟିଲା ଗୁଳି । ଜାତୀୟ ରାଜଧାନୀ ଦିଲ୍ଲୀର ରୋହିଣୀ କୋର୍ଟ ଆଗରେ ସମୟ ପାଖାପାଖି 10ଟା ଗୁଳି ଫୁଟିଛି । ସିକ୍ୟୁରିଟି ଗାର୍ଡଙ୍କ ବନ୍ଧୁକରୁ ଫୁଟିଛି ଗୁଳି । ଏଥିରେ କେହି ଆହତ ହୋଇନଥିବା ସୂଚନା ମିଳିଛି ।
ସୂଚନାଅନୁସାରେ, କୋର୍ଟ ଫାଟକ ବାହରେ ଜଣେ ଆଇନଜୀବୀ ଓ ସିକ୍ୟୁରିଟି ଗାର୍ଡଙ୍କ ମଧ୍ୟରେ କୌଣସି କାରଣ ନେଇ ଯୁକ୍ତିତର୍କ ହୋଇଥିଲା । ଦୁହିଁଙ୍କ ମଧ୍ୟ କଥା କଟାକଟି ବଢିବାକୁ ଲାଗିଲା । ତାଙ୍କ ପାଟି ଶୁଣି ଅନ୍ୟ 2 ରୁ 3ଜଣ ଓକିଲ ସେଠି ପହଞ୍ଚିଥିଲେ । ଧୀରେ ଧୀରେ ଯୁକ୍ତିତର୍କକୁ ନେଇ ଉତ୍ତେଜନା ବଢିଥିଲା । ଫଳରେ ରାଗି ଯାଇ ସିକ୍ୟୁରିଟି ଗାର୍ଡ ଗୁଳି ଚଳାଇଥିଲେ । ଏଥିରେ କେହି ଆହତ ହୋଇନାହାନ୍ତି । ଅଧିକ ସୂଚନା ପାଇଁ ଯୋଡି ହୋଇ ରୁହନ୍ତୁ ଇଟିଭି ଭାରତ ସହ...
ବ୍ୟୁରୋ ରିପୋର୍ଟ, ଇଟିଭି ଭାରତ
