ପାଟନା: ଏପ୍ରିଲ ୨୩ ତାରିଖ ବା ଆଜିର ଦିନ କେବଳ ବିହାରର ଜଗଦିଶପୁର ନୁହେଁ ବରଂ ସାରା ଦେଶ ପାଇଁ ଏକ ମହତ୍ତ୍ବପୂର୍ଣ୍ଣ ଦେଶ । ଏହି ଦିବସରେ ବୀର କୁନୱର ସିଂହ ବିଜୟୋତ୍ସବ (Babu Kunwar Singh Vijyotsav) ପାଳନ କରାଯାଏ । ଏହି ଅବସରରେ ବିହାରର ଭୋଜପୁରରେ ଭାଙ୍ଗିଲା ପାକିସ୍ତାନ ରେକର୍ଡ (Pakistan World Record broken in Jagdishpur)। କାର୍ଯ୍ୟକ୍ରମରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଯୋଗ ଦେଇ ଏହି ରେକର୍ଡ ଭାଙ୍ଗିବାର ସାକ୍ଷୀ ପାଲଟିଛନ୍ତି । ତେବେ ୨୦୧୪ରେ ପାକିସ୍ତାନ ଗୋଟିଏ ସମୟରେ ୫୭ ହଜାର ପାକିସ୍ତାନୀ ଜାତୀୟ ପତାକା ଉଡାଇ ବିଶ୍ବ ରେକର୍ଡ ସୃଷ୍ଟି କରିଥିଲା ।
ବୀର କୁନୱର ସିଂ ବିଜୟୋତ୍ସବରେ ପହଞ୍ଚିଥିବା ପରେ କେନ୍ଦ୍ର ଗୃହମନ୍ତ୍ରୀ କୁନୱରଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହ ତ୍ରିରଙ୍ଗା ପତାକା ଉଡାଇଥିଲେ । ଏହାପରେ ରାଷ୍ଟ୍ରୀୟ ସଙ୍ଗୀତ ଜନ ଗଣ ମନ ଗାନ କରାଯାଇଥିଲା । ଏହି ସମୟରେ ଶାହା କହିଛନ୍ତି ଯେ ଭାରତ ସରକାର ବୀର କୁନୱର ସିଂଙ୍କ ନାମରେ ଏକ ସ୍ମାରକୀ ନିର୍ମାଣ କରିବେ । ତାଙ୍କର ବୀରଗାଥା ଆଜିର ଯୁବପିଢିଙ୍କ ନିକଟରେ ପହଞ୍ଚିବା ଉଚିତ । ଏହାସହ ଭାରତ ମାତା କି ଜୟ ନାରା ଦେଇଥିଲେ ।
ଏକାସାଙ୍ଗରେ ଉଡାଗଲା ୭୫ ହଜାର ଜାତୀୟ ପତାକା:- ବିହାରର ବିଜେପି ଅଧ୍ୟକ୍ଷ ଡକ୍ଟର ସଞ୍ଜୟ ଜାୟସୱାଲ କହିଛନ୍ତି ଯେ ବୀର କୁନୱର ସିଂ ବିଜୟୋତ୍ସବ ଅବସରରେ ଭୋଜପୁର ଜଗଦିଶପୁର ଦୁଲୌର ମୈଦାନରେ ଏକ ନୂଆ ଇତିହାସ ସୃଷ୍ଟି ହୋଇଛି । ଏଠାରେ ପ୍ରାୟ ୭୭ ହଜାର ୯୦୦ଟି ଜାତୀୟ ପତାକା ଉଡାଯାଇଛି । ଏହି କାର୍ଯ୍ୟକ୍ରମରେ କେନ୍ଦ୍ର ଗୃହମନ୍ତ୍ରୀ ଯୋଗ ଦାନ ପାଇଁ ନିଜ ଚାଟାର୍ଡ ପ୍ଲେନ ଯୋଗେ ପାଟନା ଏୟାରପୋର୍ଟରେ ପହଞ୍ଚିଥିଲେ । ଏହାପରେ ହେଲିକପ୍ଟର ସାହାଯ୍ୟରେ ସେ ଦୁଲୌର ମୈଦାନରେ ପହଞ୍ଚିଥିଲେ । ଏହାପରେ ସେ କାର୍ଯ୍ୟକ୍ରମରେ ଯୋଗ ଦେଇ ଲୋକଙ୍କୁ ସମ୍ବୋଧନ କରିଥିଲେ ।
ଲକ୍ଷ ଲକ୍ଷ ଲୋକଙ୍କ ସମାଗମ:- ଏହି ବିଜୟ ମହୋତ୍ସବରେ ବୀରଭୂମି ଜଗଦିଶପୁରରେ ଲକ୍ଷ ଲକ୍ଷ ଲୋକଙ୍କ ସମାଗମ ହୋଇଥିଲା । ଏଥିଲାଗି ମଧ୍ୟ ସମସ୍ତ ପ୍ରସ୍ତୁତି କରାଯାଇଥିଲା । ସଭାରେ ଉପସ୍ଥିତ ଥିବା ଲୋକମାନେ ମଧ୍ୟ ତ୍ରିରଙ୍ଗା ପତାକା ଉଡାଇଥିଲେ ।
କେନ୍ଦ୍ର ଗୃହମନ୍ତ୍ରୀଙ୍କ ଗସ୍ତ ଲାଗି ସୁରକ୍ଷା ବ୍ୟବସ୍ଥା:- ଏହି ସମୟରେ ଜିଲ୍ଲା ଅଧିକାରୀ ତଥା ପୋଲିସ ଅଧୀକ୍ଷକ ହେଲିପ୍ୟାଡ ନିର୍ମାଣ ସ୍ଥାନ, ସମାରୋହର ସ୍ଥାନ ଏବଂ ଅତିଥିମାନେ ଯିବାକୁ ଥିବା ସମସ୍ତ ସ୍ଥାନ ଉପରେ ନଜର ରଖିଥିଲେ । ଏଥି ସହ ଏସପି ଆଶିଷ ଭାରତୀ କହିଛନ୍ତି ଯେ ଏହି କାର୍ଯ୍ୟକ୍ରମ ସାଧାରଣ ଲୋକଙ୍କ ପାଇଁ ନୁହେଁ । ଏଭଳି ପରିସ୍ଥିତିରେ ତିନି ସ୍ତରୀୟ ସୁରକ୍ଷା ବ୍ୟବସ୍ଥା ବ୍ୟତୀତ ବହୁ ସଂଖ୍ୟକ ପୋଲିସ ଫୋର୍ସ ମଧ୍ୟ ନିୟୋଜିତ ହେବେ । ଡେହରିର ଜାମୁହାରରେ ଅବସ୍ଥିତ ଜିଏନଏସ ୟୁନିଭର୍ସିଟି କ୍ୟାମ୍ପସରେ 800 ରୁ ଅଧିକ ଛାତ୍ରଛାତ୍ରୀଙ୍କୁ ଡିଗ୍ରୀ ପ୍ରଦାନ ମଧ୍ୟ କରାଯିବାର ବ୍ୟବସ୍ଥ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ