ଯାତ୍ରୀଙ୍କୁ ବଞ୍ଚାଇବାକୁ ଟ୍ରାକକୁ ଡେଇଁଲେ ଆରପିଏଫ କନେଷ୍ଟବଳ, ଦେଖନ୍ତୁ ଭିଡିଓ

ନୂଆଦିଲ୍ଲୀ: ଆରପିଏଫ କନେଷ୍ଟବଳ ଅନୀଲ କୁମାରଙ୍କ ସାହାସିକତାକୁ କେନ୍ଦ୍ର ରେଳମନ୍ତ୍ରୀ ପୀୟୁଷ ଗୋଏଲଙ୍କ ପ୍ରଂଶସା । ରେଲୱେ ଟ୍ରାକ ପାର କରୁଥିବା ଜଣେ ଲୋକଙ୍କୁ ମରଣମୁହଁରୁ ବଞ୍ଚାଇଥିଲେ ଅନୀଲ ।

ଆରପିଏଫ କନେଷ୍ଟବଳଙ୍କୁ ପୀୟୁଷଙ୍କ ପ୍ରଂଶସା

ଜଣେ ଯାତ୍ରୀ ରେଲୱେ ଟ୍ରାକ ପାର ହେଉଥିବା ବେଳେ ଅଚାନକ ଟ୍ରେନ ଆସିଯାଇଥିଲା । ଏହି ସମୟରେ କନେଷ୍ଟବଳ ଜଣଙ୍କ ଉପସ୍ଥିତ ବୁଦ୍ଧି ପ୍ରୟୋଗ କରି ଟ୍ରାକକୁ ଡେଇଁ ଯାତ୍ରୀଙ୍କୁ ବଞ୍ଚାଇବା ସହ ନିଜେ ମଧ୍ୟ ସୁରକ୍ଷିତ ରହିଥିଲେ । ପରେ ଏହି ଟ୍ରେନଟି ଅଟକିଥିଲା । ଷ୍ଟେସନ ସିସିଟିଭିରେ ରେକର୍ଡ ଥିବା ଏହି ଦୃଶ୍ୟକୁ ନିଜ ଟ୍ବିଟରରେ ପୋଷ୍ଟ କରି ପୀୟୁଷ ଅନୀଲଙ୍କୁ ପ୍ରଂଶସା କରିଛନ୍ତି ।

ଏଥିସହ ଏଭଳି ଘଟଣାରୁ ବଞ୍ଚିବା ପାଇଁ ଓଭରବ୍ରିଜର ଉପଯୋଗ କରିବାକୁ ପରାମର୍ଶ ଦେଇଛନ୍ତି ।